لو هتبيع دهب هتفاجي أن التاجر بيخصم نسبة من الذهب بتوصل ل 2%.. ياتري ليه الصاغة بتخصم نسبة وقت بيع الذهب.. النسبة اللي بتخصم محلات الصاغة سببها ايه.. ونسبتها في الجرام بتوصل لكام.
لو في يوم فكرت تبيع دهب أو حضرت بيع الدهب هتلاقي محلات الصاغة بتخصم نسبة من التمن بتوصل في بعض الأحيان ل2% و 3% واللي منصة آي صاغة، قالت عنها انها نسبة مش مخالفة قانونية، ولكنها عبارة عن عرف قديم بين التجار وبيكون عبارة هامش ربح لصاحب المحل، والموضوع كله بيخضع للعرض والطلب، وفي الآخر البيع بيتم بالاتفاق بين التاجر والمواطن من غير أي إجبار.
طيب إزاي محلات الصاغة بيتخصم النسبة دي الدهب ؟.
لما تروح تبيع الدهب لمحلات الصاغة، المحل مش بياخد منك الوزن بس ويحسب بالسعر العالمي وخلاص، لا ده فيه نسبة خصم بيتحسب علي حاجتين أساستين أولهم المصنعية ودي بتتخصم لأنك اشتريت الذهب كمشغول يعني فيه شغل يدوي، والمحل مش هيقدر يبيعه تاني بنفس الشكل، وتأني نسبة محلات الصاغة بتخصم عليها نسبة الربح أو الفرق التجاري ودي بتكون حسب نوع الذهب ووزنه وسعر السوق في الوقت ده.
النسب اللي بتخصمها محلات الصاغة في العادة بتترواح من 10% لـ 20% من السعر الإجمالي للدهب المشغول، ولو الذهب اللي المواطن ببيعه كسر اكيد طبعا بيختلف عن الذهب الصالح للزينة، ونسبة الخصم في الذهب الصالح للزينة بتكون اقل.
طيب إزاي ابيع الذهب بتاعي بأمان من غير ما احقق نسبة خسائر كبيرة ؟.
في أكثر من خطوة لازم المواطن يعملها قبل ما بيع الذهب بتاعه علشان يتفادي تحقيق أي خسائر وأنه ممكن يكون ضحية نصب أولهم انك لازم تتأكد من السعر اليومي للدهب، وتشوف سعر الجرام في نفس يوم البيع من مصادر موثوقة زي موقع البورصة أو تطبيقات أسعار الذهب أو حتى مواقع الصاغة الكبيرة.
تاني خطوة علشان تبيع الدهب بشكل آمن انك توزن الذهب عند أكتر من محل لان الموازين كلها مش واحدة وفي فرق بيكون في الميزان من محل التاني والفرق في الجرام الواحد بيكلف كتير، وقبل ما تاخذ قرار البيع لازم تسأل على نسبة الخصم قبل ما تسلم الذهب وتخليه صاحب محل الصاغة يشرحلك هيخصم كام وليه وبلاش تكتفي أنه يقولك السعر النهائي كام وخلاص .
ثالث خطوة من خطوات البيع الأمن الذهب هيا انك لو عندك الفاتورة، خدها معاك خصوصا أن في بعض محلات الصاغة بتقدر الدهب أعلى لو معاه فاتورته، ولازم كمان تبيع في محل معروف أو له سجل تجاري وتبعد كل البعد عن المحلات الصغيرة أو اللي شكلها مش موثوق، خصوصا لو معاك كمية كبيرة، وتستلم فلوسك في نفس اللحظة سواء كان كاش أو تحويل فوري وبلاش تقبل بالوعد بالدفع في الوقت اللي جاي، خصوصا لو ما فيش أوراق.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
