مصر بدأت تجني ثمار الخطوات الجادة اللي قامت بيها علي مدار الشهور اللي فاتت.. وقريب جدا مصر هتعلن عن خبر مهم جدا من قطاع البترول.. ياتري اية هو الخبر ده.. واية سر سعادته اللي هتكون علي المصريين.
على مدار الشهور اللي فاتت، الحكومة قامت بجهود كبيرة جدا في جذب الاستثمارات الأجنبية لسوق البحث والتنقيب عن البترول في كل المحافظات المصرية، خصوصا أن القطاع ده تحديدا كان بيمر بظروف صعبة جدا نتيجة هجرة عدد كبير من الشركات الأجنبية العاملة في مصر في مجال البحث والتنقيب عن البترول.
الهجرة اللي قامت بيها الشركات الأجنبية العاملة في مصر كانت سبب رئيسي في تراجع الانتاج المحلي من 7.1 مليون قدم إلي 3.5 مليون قدم، وتقريبا حصل إنخفاض بمعدل النصف، وبالتالي الانخفاض ده أجبر الحكومة علي تعويضه عن طريق الاستيراد، وده تطلب توفير ميزانية دولارية جديدة للوفاء الالتزامات الاستيرادية من واردات الغاز الطبيعي والمازوت.
في الوقت اللي الحكومة فتحت باب الاستيراد من الخارج للمواد البترولية خصوصا الغاز والمازوت، الحكومة اشتغلت علي معالجة اسباب هجرة الشركات الأجنبية العاملة في السوق المصري، واللي كان اغلبها بسبب عدم وفاء الحكومة بسداد المستحقات المالية المتاخر للشركات الأجنبية العاملة بمصر، واللي بقوا لهم أرقام كبيرة جدا عن الحكومة وللاسف تراكمت من فترات طويلة.
الحكومة بدأت تشتغل علي بابين لمعالجة أزمة تراجع الأنتاج المحلي من المواد البترولية، أولهم فتح باب الاستيراد لمعالجة واستمرار تدوير عجله التشغيل المحلي للقطاعات المختلفة، وتاني باب هو سداد مستحقات وجدوله مستحقات الشركات الأجنبية العاملة في مصر، وده اللي خلي كل الشركات ترجع تستأنف شغلها مرة تانية في مصر وكمان في عدد كبير من الشركات اللي دخلت للاستثمار في مجالات البحث والتنقيب عن المواد البترولية.
الفترة الحالية الحكومة كل يوم بتجي ثمرة جديدة من ثمرات توفير المناخ الملائم لدخول الاستثمارات الأجنبية للسوق المصري، وكانت البداية باعلان شركة إيني الايطالية والمسئولة عن تشغيل حقل ظهر بدء انتاج أكثر من 60 الف قدام معكب من الغاز الطبيعي، وتاني ثمرة الحكومة جنتها حاليا هو الإعلان اللي توصلت له شركة عجيبة بالكشف عن بئر أركاديا ويست الجديد بالصحراء الغربية، وكمان انتهاء عمليات وضعه علي خريطة الإنتاج بشكل فوري باجمالي انتاج يومي هيوصل لـ2500 برميل يومي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
