هينزل الأرض.. شوف سر الإنهيار المحتمل لأسعار الذهب في مصر

من كام ساعة، العالم كله صحي علي انهيار كبير لأسعار الذهب بعد ما حقق مكاسب كبيرة خلال الكام ساعة اللي فاتت.. ياتري اية سر الأنهيار الكبير في اسعار الذهب.. وهل الذهب هيفضل ينخفض كده علي طول ومتوقع سعر الجرام يوقف عند كام.

من بداية الأسبوع الحالي واسعار الذهب كانت واخذة مسار الصعود والأسعار كانت طالعة والكل كانت متوقع أن الأسعار تشهد موجة كبيرة الارتفاعات وهتعدي الارقام اللي حققتها في بداية 2025 لما سعر الأونصة تعدي 3500 دولار وده كان أعلي سعر للذهب علي مدار التاريخ.

الارتفاعات اللي حصلت في الكام يوم اللي فاتوا واللي كان السبب فيهم القرارات الأقتصادية اللي أقرتها الإدارة الأمريكية بعد فرضها رسوم جمركية بارقام كبيرة جدا علي بعض الدول أهمهم البرازيل وكندا، ده غير التهديدات اللي اعلنها الرئيس الأمريكي دونالد ترامب بفرض رسوم جمركية علي البضائع والواردات الصينية.

طيب اية اللي حصل في اسعار الذهب، وليه الاسعار رجعت تنخفض عندنا في مصر؟.

اسعار الذهب في مصر شهدت تراجع كبير جدا، وده بسبب حالة الترقب الواسعة خطوات البيت الأبيض بخصوص الرسوم الجمركية المحتملة على سبائك الذهب، ده غير تركيز المستثمرين على بيانات التضخم الأمريكي اللي منتظر صدورها الأسبوع الحالي واللي هتحدد مسار السياسة النقدية لمجلس الاحتياطي الفيدرالي.

منصة آي صاغة لتداول الذهب والمجوهرات عبر الإنترنت، قالت أن اسعار الذهب تراجعت بأكثر من 40 جنيه خلال الكام ساعة اللي فاتوا مقارنة بختام تعاملات الأسبوع اللي فات، وحاليا سعر جرام الذهب عيار 21 مستوى بيسجل 4580 جنيه، والأونصة سعرها تراجع بنسبة 42 دولار، وحاليا سعرها بيوصل لـ 3355 دولار.

منصة آي صاغة لتداول الذهب والمجوهرات فسرت التراجع اللي حصل في اسعار الذهب في مصر سببه زيادة البيع في السوق المصري، خصوصا ان كل الانظار حاليا متجه لبيانات التضخم الأمريكي لشهر يوليو اللي فات، واللي متوقع أنها تظهر ارتفاع في المؤشر الأساسي بنسبة 0.3% على أساس شهري، وده هيرفع المعدل السنوي لـ 3%، وهتتجاوز مستهدف الاحتياطي الفيدرالي واللي كان متوقع يوصل لـ2%، ده غير الترقب اللي موجود في الأسواق للأمر التنفيذي الذي وعد البيت الأبيض بإصداره توضيح لموقفه من الرسوم الجمركية على سبائك الذهب.