منصات بانكير قدمت النهاردة عدد من التقارير والتحليلات الخاصة في الشأن الاقتصادي والمالي المصري.. والبداية بتقرير عن خطة الحكومة لزيادة إنتاج خام الذهب في منجم السكري.
قال التقرير، إن مصر واحدة من الدول اللي محظوظة بموقعها الجغرافي وثرواتها المعدنية والطبيعية اللي مش موجودة في أغلب كل العالم، ده غير أن جوها معتدل في فصل الصيف ودافي في فصل الشتاء، وده خلي مصر واحدة من أهم القوي الاقتصادية النامية في الألفية الحالية واللي كل مؤسسات العالم بتتوقع لها أنها تكون واحدة من القوي الاقتصادية المهمة على مستوى العالم في الوقت اللي جاي.
وأضاف التقرير، أن الخطة الطموحة اللي بتنفذها الحكومة في الوقت الحالي بتستهدف زيادة إنتاجية خام الذهب من منجم السكري والاعتماد علي التكنولوجيا والاستثمارات المشتركة مع القطاع الخاص واستخدام تقنيات حديثة في التنقيب والمعالجة.
وأوضح التقرير، أن الحكومة بدأت خطة زيادة وتعزيز إنتاجية منجم السكري من خلال التعاون مع عدد من كبري شركات القطاع الخاص زي شركة سنتامين العالمية، واللي بتدير المنجم بنظام المشاركة في الأرباح وكمان الحكومة توسعت من زيادة قدرات زيادة الناتج القومي من دخول الاستثمارات في قطاع الذهب عن طريق إنشاء وتشغيل مشروعات صغيرة ومصانع لإنتاج السبائك ومشتقات الذهب محليا وده واحدة من أهم أسباب زيادة صادرات مصر من المشغولات الذهبية وتغطية السوق المحلي ووقف الاستيراد من الخارج وكمان وقف تصدير خام الذهب الي الخارج وإعادة استيراده في صورة مشغولات، ده غير فرص العمل الكتيرة المباشرة والغير مباشرة اللي وفرها القطاع ده للشباب.
وأشار تقرير بانكير إلى أن الجهود اللي قامت بيها الحكومة خلت إنتاج من الذهب ارتفع بنسبة 9% في النصف الأول من 2025 مقارنة بالفترة نفسها من عام 2024، وحاليا وصل انتاج مصر من منجم السكري الي 246 ألف أونصة مقابل 225 ألف أونصة في النصف الأول من 2024 .
منصات بانكير قدمت تقرير مختلف النهاردة عن خطة الرئيس السيسي لزيادة أعداد السائحين الوافدين لمصر.
كشف التقرير، أن قطاع السياحة واحد من القطاعات اللي كانت ولا زالت من أهم مصادر الدخل الدولاري لمصر من الخارج واللي قدرت دول كتيرة من خلال تنمية والاستثمار في القطاع ده أنها تبني برنامجها الاقتصادي خصوصا أن السياحة منتج قابل للبيع في اي وقت وكمان عائداته بتسمع بشكل مباشر لي الناتج القومي مش محتاجه وقت لا لصناعة ولا تصدير ولا أي حاجة.
وأضاف التقرير، أن واحدة من أسس اللي الحكومة بتبني عليها الجمهورية الجديدة هيا قطاع السياحة واللي الحكومة زيه زي كل القطاعات اللي موجودة في الدولة خطت له استراتيجية علشان تنمي إيراداته وتزود عدد السائحين الوافدين لمصر منه والاستراتيجية دي بتستهدف الوصول بإيرادات القطاع لتحقيق 30 مليون سائح وتحقيق 30 مليار دولار كايرادات من القطاع في 2030.
وأكد تقرير بانكير، أن مصر هتزود أعداد السائحين أكتر وده بعد اهتمامها بخطة بناء وتطوير المواقع الأثرية والمتاحف وفعلا أنشانا وطورنا عدد كبير من متاحفنا وكمان دخلنا شركات القطاع الخاص في إدارة المناطق التجارية بالمتاحف والمواقع الأثرية واللي بقت بتدخل هامش ربح كبير في الناتج القومي.
وأوضح تقرير بانكير، أن الشغل اللي حصل في الفترة دي خلى الإقبال السياحي علي مصر وصل خلال النصف الاول من 2025 الي 8.7 مليار زائر ووصلت معدلات الإيرادات إلي أكثر من 8 مليار دولار كأعلى دول شمال إفريقيا في استقبال السائحين وده علي الرغم من التوترات الجيوسياسية والاقتصادية اللي موجودة منطقة الشرق الأوسط.
وحدة أبحاث بانكير قدمت تقرير خاص النهاردة عن مشروع ضخم بين مصر والإمارات.
أكد التقرير، أن مصر ماشية بخطوات ثابتة وده التنسيق اللي شغال مع الإمارات علشان يقللوا الانبعاثات الكربونية في القطاعات الصناعية اللي بتستهلك طاقة كتير، يعني زي مصانع الحديد والأسمنت والبتروكيماويات والحاجات التقيلة دي.
وأضاف التقرير، أن المشروع الهدف منه، أننا بقى بننتج بس من غير ما نبوظ الهوا اللي بنتنفسه، ودلوقتي مصر والإمارات، بيشتغلوا سوا على حلول تكنولوجية جديدة، ونقل خبرات، وكمان استثمارات خضرا (يعني صديقة للبيئة)، علشان نخفض البصمة الكربونية ونحافظ على كوكب الأرض.. والكلام ده مش حبر على ورق، ده فيه خطط فعلية ومشروعات هتبدأ تتنفذ قريب، وكله تحت إطار التعاون العربي والعالمي لمواجهة تغيّر المناخ، يعني باختصار البيئة مش هتكون رفاهية، ده استثمار لبكرة.
وأشار التقرير إلى أن استفادة مصر من المشروع هتكون أننا هنقلل الكربون اللي بيطلع من المصانع، ونخلي الإنتاج صديق للبيئة وفي نفس الوقت يفتح أبواب جديدة للاستثمار والتمويل الأخضر.. الزيارات دي شملت كمان لقاء مهم مع الدكتور علي أبو سنة، رئيس جهاز شؤون البيئة، وكمان شافوا مصانع على الأرض، وقعدوا مع ناس من المنطقة الاقتصادية لقناة السويس، واتكلموا مع تحالف دولي اسمه GFANZ علشان يشتغلوا معانا في تطوير حلول صناعية مستدامة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
