يا ترى ليه الشركات العالمية بتتهافت على السوق المصري دلوقتي، وإيه آخر أخبار الاستثمارات الكبيرة وخاصة في الثروات التعدينية، والفترة الجاية ممكن نشوف إيه بيحصل؟
في الفترة الأخيرة، في شركات عالمية دخلت اللعبة، وبدأت تشتغل مع الدولة علشان نرسم خريطة جديدة للثروات اللي تحت رجلينا، وفي اجتماع مهم جدا حصل في مقر وزارة البترول بمدينة العلمين الجديدة، ووزير البترول والثروة المعدنية المهندس كريم بدوي قعد مع ممثلين من شركات ضخمة زي مثلا أرجاس وميتاتك وإيكسكاليبور ونوفيا، وش شركات دي متخصصة في المسح الجوي والتصوير السيزمي، يعني ببساطة بتعرف فين الكنز قبل ما نحفر.
والفكرة مش مجرد استكشاف، دي كانت بداية مشروع قومي كبير لإنشاء قاعدة بيانات جيولوجية شاملة لكل حتة في مصر، يعني أي مستثمر هيبقى قدامه خريطة واضحة ويعرف يستثمر فين وازاي.
طب وليه دلوقتي؟
لأن الدولة بتشتغل بخطة واضحة علشان تزود مساهمة قطاع التعدين في الناتج المحلي من أقل من 1% ل5 أو 6%، يعني ده قطاع ضخم ومليان فرص، ومصر عندها بنية تحتية قوية جدا تقدر تخدم القطاع ده،. زي مثلا مواني وطرق وكظارات ومحطات تصدير، وكمان طاقة متوفرة من الإنتاج المحلي.
كمان، قي إصلاحات قانونية وتشريعية حصلت، زي مثلا تحويل هيئة الثروة المعدنية لهيئة اقتصادية، يعني تشتغل بعقلية استثمارية، وكمان تطوير نظم الاتفاقيات علشان تبقى جاذبة أكتر للمستثمرين من بره وجوه.
طيب الشركات دي هتعمل إيه بالظبط؟
هتستخدم تقنيات حديثة للمسح الجوي، يعني هتحلل البيانات الجيولوجية وهتحدد مناطق واعدة بالثروات المعدنية، يعني بدل ما نحفر على عماها، هنشتغل بعلم وبيانات دقيقة.
كمان، الوزير طلب منهم خطة شاملة عشان نبدأ الشغل بسرعة ونحقق نتايج ملموسة.
طب إيه اللي يهمك هنا كمواطن؟
ببساطة:، استثمارات أجنبية جاية يعني فرص عمل هتفتح، وتصدير أكتر وعملة صعبة للبلد، وكمان الاقتصاد هيكسب وكل ده في الآخر بيأثر عليك.
والخلاصة، هي إن نصر مش بس بتستخرج دهب وفوسفات ونحاس، لا ده مصر بتخطط تبقى مركز إقليمي للتعدين الحديث، والشركات العالمية لما تيجي تشتغل هنا، فده معناه إن السوق واعد والمستقبل مش بعيد، ده بدأ.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
