معاك 50 الف جنيه، ونفسك في شقة بدل الإيجار والبهدلة .. وكمان هتاخذ شقة من مكان مضمون بدون ما تتعرض لعملية نصب.
حلم الحصول علي شقة سكنية في الوقت الحالي ومع الأوضاع الاقتصادية الصعبة بقي حلم صعب شوية علي اغلب المصريين اللي زينا خصوصا الفئات محدودة ومتوسطة الدخل واللي دخلها يادوب علي قدر الأكل والشرب ومصاريف الحياة، وفي ظل الفقاعة العقارية اللي موجودة حاليا في سوق العقارات في مصر بقي صعب جدا علي اغلب الناس انها تشتري شقة حتي لو في مكان بسيط.
طبعا كلنا عارفين أن سوق العقارات في مصر بيعاني من فترات طويلة من فقاعة عقارية، ومعني الفقاعة دي هيا أن العقارات المعروضة للبيع سعرها اعلي بكتير من سعرها الفعلي وده خلي في ضعف اقبال وركود كبير في سوق العقارات في مصر، وده اللي خلي اغلب المطورين العقاريين والمقاولين يطرحوا شقق بالقسط في محاولة لتنشيط حالة البيع والشراء خصوصا أن السوق فيه حالة ركود غير مسبوقة بسبب الاسعار الجزافية للعقارات المعروضة.
طيب اية حكاية الشقق ام 50 الف جنيه واية خطوات التقديم عليها؟.
الحكومة ممثلة في وزارة الإسكان والمرافق والمجتمعات العمرانية علشان تحل وتنهي ازمة وجود الفقاعة العقارية واللي ماثره علي سوق العقارات في مصر بتطرح بصورة مستمرة أنواع كتيرة من الشق السكنية اللي بتناسب كل الاذواق سواء كانت للطبقات عالية الدخل من خلال طروحات شقق جنة ودار وسكن مصر، ده غير العروض اللي بتناسب الفئات محدودة الدخل زي شقق الاسكان الاجتماعي.
في الفترة الحالية وتحديدا من يوم 28 يوليو الجاري الدولة فتحت باب الحجز لشقق الإسكان الاجتماعي للفئات محدودة ومتوسطة الدخل وده متاحة للتسليم خلال 36 شهر ودي متاحة للمواطنين حاليا من خلال بوابة مصر الرقمية.
وزارة الإسكان والمرافق والمجتمعات العمرانية طرحت 116 وحدة سكنية قدام المواطنين في 6 أكتوبر وحدائق أكتوبر وبدر والعاشر من رمضان و 15 مايو وحدائق العاصمة ورشيد ودمياط والدقهلية، وكمان في طروحات موجودة للمواطنين في مدن بني سويف الجديدة والمنيا الجديدة ومدينة ناصر غرب أسيوط وأسوان الجديدة ومحافظة المنيا والعلمين الجديدة ومطروح والبحر الأحمر (الغردقة).
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
