مصر عندها خطة انها تتحول لواحدة من أكبر الدول في المنطقة الإقليمية والعالم في صناعة السيارات الكهربائية.. ياتري اللي بتعمله الحكومة علشان توصل للهدف ده .. وآية هيا الفائدة اللي هتعود علي الاقتصاد المصري من الصناعات اللي من النوع ده.
في الفترة الرئاسية الجديدة للرئيس عبدالفتاح السيسي الحكومة رسمت خطط أنها تتحول لمركز إقليمي لصناعة السيارات والصناع دي مش بس هتكون في صناعة السيارات العادية لا ده كمان في صناعة السيارات الكهربائية واللي بقي هيا الشغل الشاغل لكل مواطن خصوصا في ظل توجهات الدول للاتجاه نحو الصناعات الخضراء واللي بتخافظ علي البيئة.
في نقطة مهمة جدا في خطة الحكومة للتوسع في الصناعات المختلفة وهيا توطين صناعة السيارات في مصر وخصوصا السيارات الكهربائية وده بسبب انها هتكون سيارات المستقبل والعالم كله حاليا في طريقه للبحث عن بدائل نظيفة وكمان هتوفر في فاتورة استيراد الوقود، وهتساعد في خلق وظائف جديدة للشباب .
وعلشان مصر توصل لتحقيق خطتها لتوطين صناعة السيارات الكهربائية كونت شراكة كبيرة بين الحكومة ممثلة في الهيئة القومية للإنتاج الحربي والقطاع الخاص لبدء تدشين صناعة وطنية للسيارات بمنتج أغلبه من التصنيع المحلي، ده غير طرح تسهيلات ضريبية وجمركية للمستثمرين في الصناعة النظيفة للدخول للسوق المصري والاستثمار في مجالات تصنيع السيارات الكهربائية.
خطة مصر لتوطين صناعة السيارات الكهربائية بتعتمد كمان علي توفير قطع الغيار والحاجات اللي بتدخل في صناعة السيارات واهمها تصنيع البطاريات الكهربائية محليًا ده غير جهود دعم الصناعات المغذية زي الإلكترونيات والزجاج والكابلات والإطارات وتوفير البنية التحتية للشحن وبدء اطلاق عدد كبير من محطات شحن السيارات الكهربائية، ده غير التسهيلات اللي قدمتها الحكومة لتحفيز الناس علي شراء السيارات الكهربائية وطرح إعفاءات جمركية علي بطاريات السيارات الكهربائية والمكونات الرئيسية فيها .
واحد من الحاجات المهمة جدا اللي الحوطة بنت عليها خطتها للتحول لمركز إقليمي لصناعة السيارات الكهربائية هيا استغلال موقع مصر الاستراتيجي واللي بيربط بين آسيا وأوروبا وأفريقيا، وتوفير بنية صناعية قوية نسبياً مقارنة بباقي الدول الأفريقية خصوصا أن أفريقيا بتعد سوق واعد جدا وقابل لإعداد كبيرة من الصناعات المختلفة .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
