مصر عندها فقاعة عقارية بتهدد الاستثمارات في سوق العقارات.. ياتري اية حكاية الفقاعة دي وازاي الدولة تتخلص منها .. واية تأثيرها على الاقتصاد المصري.
من كام سنة فاتوا حصل اقبال كبير جدا من المواطنين علي شراء واستئجار الشقق السكنية والبيوت في خصوصا خصوصا انها مع عمليات التحرير المتتابع لأسعار الصرف تحولت لمصر مهم من مصادر الادخار وبقي عليها اقبال كبير جدا من المواطنين اللي بيدورا علي فرص كويسة لادخار فلوسهم بشكل كويس بحيث انها تحقق عائد يعنهم علي التحديات الاقتصادية الموجودة وكمان يكبر حجم أعمالهم.
الاقبال الغير عادي علي شراء الشقق السكنية البيوت خلي في رواج كبير في سوق العقارات في مصر، ومع الوقت تحولت العقارات لواحدة من مصادر الدخل سواء كان عن طريق الشراء أو بهدف اعاده البيع في المستقبل وتحقيق مكاسب مالية أو بهدف طرحها للايجار وتحقيق مكسب شهري منها ده غير تحقيق مكسب علي المدي البعيد في حالة إعادة بيعها مستقبلا.
طيب اية حكاية الفقاعة العقارية اللي موجودة في السوق المصري وآية تأثيرها على الاقتصاد المصري ؟
علشان نفهم الأزمة كويس لازم نعرف أن الفقاعة العقارية دي معناها بيع او عرض العقارات للبيع بأسعار اعلي من اسعارها الحقيقية ودي لأكثر من سبب أولهم الإقبال الكبير على شراء الشقق السكنية والبيوت وتأني سبب هو التغيرات المتتابعة لأسعار الصرف وده اللي بيخلي كل واحد عنه عقار معروض للبيع عايز يحقق منه اعلي مكسب ممكن، وده اللي خلي أسعار العقارات في مصر ترتفع بأرقام كبيرة، وفي النهاية السوق بيحصل في ركود وضعف اقبال علي البيع والشراء، بسبب الأسعار المرتفعة وبيكون في أزمة اقتصادية كبيرة في سوق البيع والشراء .
واحد من الأسباب المهمة جدا واللي ادت لوجود الفقاعة العقارية في مصر هو الطلب الكبير اللي موجود من الناس الي العقارات بهدف الاستثمار مش السكن وده اللي خلي كل واحد عنده شقة أو بيت أو قطعة أرض عايز يبعها باعلي رقم ممكن، وأصبحت كل أسعار العقارات خاليا مرتفعة بأرقام كبيرة صعب علي اي مواطن عادي يوصل لها.
طيب الدولة هتحل الأزمة دي ازاي وازاي الحكومة هتتخلص من أزمة الفقاعة العقارية ؟.
الحكومة اعترفت بوجود الفقاعة العقارية وللاسف مش هينفع تفرض علي سوق العقارات في مصر ارقام للبيع والشراء، وكان الحب الأفضل أن يكون في بدائل قدام الناس اللي عايزة تشتري عقارات بهدف السكن وتكون بأسعار معقولة غير اللي موجودة في السوق، وعلشان كده الحكومة طرحت عدد كبير من البرامج السكنية اللي بتناسب كل الانواع والأذواق سواء كانت الفئات مرتفعة الانقاق ودول الحكومة طرحت لهم مشروعات سكن وجنة ودار مصر، وكمان طرحت شقق إسكان اجتماعي للفئات المحدودة والمتوسط الدخل وده بهدف توفير سكن ملائم ومناسب في لكل فئات المجتمع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
