مصر في الوقت الحالي بتعد برنامج اصلاح اقتصادي قوي ومرن يكون قادر على التعامل مع كل الصدمات.. ياتري اية هيا أولويات الحكومة للنهوض بالاقتصاد المصري.. واية هيا الأسس اللي الحكومة بتعتمد عليها لبناء البرنامج الاقتصادي.
الفترة اللي فاتت أثبتت أن البرنامج الاقتصادي المصري للاسف كان برنامج هش وسهل جدا يقع مع بداية أن أزمة عالمية وده اللي حصل مع بداية وجود توترات وتحولات اقتصادية وجيوسياسية في العالم كله أهم مصدرين للدخل الدولاري لمصر من الخارج وقعوا منا وبالتالي الاقتصاد المصري تأثر بشكل سلبي.
اللي حصل خلال السنين اللي فاتت خلي الحكومة تعيد حساباتها بشكل كامل في الاقتصاد المصري وتحط خطط أنها تبني الاقتصاد المصري من اول وجديد، والبرنامج الاقتصادي الجديد اللي الحكومة بنته لازم يكون مرن وقادر علي مواجهة كل الصدمات الخارجية ويكون في أكثر من مصدر دخل دولاري لمصر من الخارج بدلا من النظام اللي فاتت واللي كانت فيه الحكومة بتعتمد علي مصدر أو مصدرين للدخل الدولاري وهما قناه السويس وقطاع السياحة.
طيب اية هيا أولويات الاقتصاد المصري في الوقت الحالي وازاي الحكومة بتنبي الاقتصاد المصري للوقت اللي جاي ؟.
الحكومة في الوقت اللي جاي حطت أولويات كتيرة علشان تعيد بناء الاقتصاد المصري اول بنود إعادة بناءً الاقتصاد القومي المصري كانت تحفيز النمو الاقتصادي وتنويع مصادر الدخل من خلال دعم القطاعات الإنتاجية زي الزراعة والصناعة والسياحة والخدمات اللوجستية والاقتصاد الرقمي، وتقليل الاعتماد على الموارد التقليدية زي النفط والغاز وشغالة علي على تنويع مصادر الدخل القومي لتحقيق الاستدامة.
تاني الخطوات اللي الحكومة شغالة عليها للإعادو بناء البرنامج الاقتصادي المصري هيا تحسين بيئة الاستثمار وتعزيز الشراكة مع القطاع الخاص وتهيئة بيئة استثمارية جاذبة من خلال تسهيل الإجراءات الإدارية وتعزيز الشفافية ومكافحة الفساد وتشجيع الاستثمار المحلي والأجنبي، ودفع القطاع الخاص علشان يكون شريك أساسي في التنمية.
ثالث خطوات الحكومة لإعادة بناء الاقتصاد المصري هيا الاهتمام برأس المال البشري،. في السنين اللي فاتت الحكومة توسّعت في برامج التعليم والتدريب المهني وتحويل التعليم علشان يخدم احتياجات سوق العمل، وكمان أطلقت برامج لتشجع ريادة الأعمال والمشروعات الصغيرة والمتوسطة.
الحكومة بتعتمد كمان في إهانة برنامج الاقتصاد المصري في التوسع في خدمات التحول الرقمي والابتكار في كل القطاعات لتحسين كفاءة الخدمات الحكومية ودعم الابتكار وريادة الأعمال وورفع تنافسية الاقتصاد على المستوى الإقليمي والدولي.
اخر نقطة الحوطة بتعتمد عليها لبناء البرنامج الاقتصادي المصري هيا ضبط الإنفاق العام وتحسين إدارة الموارد والحفاظ على العدالة الاجتماعية لضمات وصول الدعم لمستحقيه وتقوية شبكات الحماية الاجتماعية لمواجهة الفقر والبطالة، خصوصا أن النهوض بالاقتصاد الوطني هو مسؤولية تشاركية لازم كل مؤسسات المجتمع تشارك فيها وكمان الحكومة وسعت مشاركة القطاع الخاص في إدارة الاقتصاد الوطني.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
