"كفاية كدة".. رانيا محمود ياسين تفتح النيران بسبب السوشيال ميديا

عبرت الفنانة رانيا محمود ياسين عن حزنها بشأن استخدام السوشيال بطريقة خاطئة ضاربه مثال بأزمة الثنائي المنصل المثير للجدل أحمد السقا ومها الصغير.

وكتبت منشور لها عبر حسابها الرسمي على موقع التواصل الاجتماعي لتبادل الصور والفيديوهات الانستجرام: “نفسي تسكتوا شويه ودع الخلق للخالق نفسي تفهموا من %99 من إلى بيتصدر علي السوشيل ميديا حلو اوي وحش غلط او مستفز او عايزك تشتم الشخصيات العامه".

وأضافت:“علشان تكره عشيتك وتشوفهم دايما ناس ما يعرفوش ربنا او نرجسين او متربوش او مغرورين وده مقصود وعن عمد علشان الفنانين مثلا بعد ما كانوا قوي ناعمه ومؤثرين يبقوا الناس المفضوحين محدش منهم يبقي قدوه ولا رمز ولا قيمه مؤثره زي زمان”.

وتابعت:“محدش سأل نفسه ليه زمان الفنان كان قدوه ومؤثر لأن مكنش في اداه مدمره اسمها السوشيل ميديا وكان في حاجه كيوت اوي بالنسبه دلوقتي اسمها الصحافة الصفرا بس عمرها ما كانت مؤثره بلونه وبتفرقع وتخلص”.

وأكدت: “لكن الهري دلوقتي لازم يدخل في اسبوع كأحد أقصي نفسي تبطلوا تصدروا أحكام من السوشيل الميديا لان والله اداه كاذبه بكل بصفحاتها ومنشتتها المستفزه فيديوهتها الي بتتقال بأصوات ناس مجهوله عايزه تعمل ريتش وفلوس علي حس سمعه الفنانين ومعظم النقل كاذب فيما عدا لايف”.

وأشارت إلى: “بعض الصحفيين المتخصصين الي بيحاولوا يقولوا الحقيقه في وسط كم الزيف الي بيتصدر علي سبيل مثال السقا ومها ناس مش رحماهم، سيبوهم في حالهم ارحموا اولادهم كلنا عندنا بيوت ومشاكل وأولاد بنخاف علي شكلنا وشكلهم بطلوا تصدروا أحكام”.

وأكملت:“ادعوا ربنا يهدي الامور يصلح الأحوال بدل الهجوم طول الوقت عليهم وعلي غيرهم وذكري لسقا ومها لان ده موضوع الساعه وربنا يهدي يارب ويرحمنا من هذه الاداه التي تدمر القيم والرموز محدش يقولي واحنا مالنا انتم الي بتصدروا حياتكم هرد واقولك لأ”.

واختتمت:“السوشيل ميديا بتحاصر حياتنا وبنتصور طول الوقت حتي من غير ما نعرف وبتزيف معظم الحقايق وبتديها اكبر من حقيقتها ده غير اللجان المدفوعه وكفايه كده”.