كشف الفنان علاء عوض عن جانب خفي من حياته الشخصية، كاشفًا تعرضه لأعمال سحر وشعوذة أثّرت عليه لفترة طويلة، بالإضافة إلى تجربته مع الزواج والعزوبية، ورؤيته عن الأبوة والعلاقات العاطفية.
وأوضح علاء عوض عن تعرضه لأعمال سفلية، في مداخلة هاتفية مع الإعلامية نهال طايل ببرنامج "تفاصيل" المذاع على قناة "صدى البلد 2"، قائلاً: "آه كتير.. أنا لغاية دلوقتي والله بيحصل معايا كده، زمان كنت عارف مين، دلوقتي مبقتش عارف".
وأشار علاء عوض أن هذه الأعمال من سيدات حيث لا يهتم رجل بأذية رجل مثله وأكبر شئ ممكن أن يفعله هو الحسد، قائلاً: "لا هم الستات كلهم، ما أعتقدش رجل هيوصل لكده، الرجل هيحسد كبيره يعني.. زمان كانت حماتي، دي كانت البداية."
وتحدث علاء عوض، عن كيفية اكتشافه للأمر، قائلاً: "مراتي ورتني العمل، وشفته بعيني.. وبعدين برضه كان فيه حاجات غريبة بتحصل، ما هو يعني أما يكون الإنسان عاقل تمامًا وبيتصرف بتعقل وبعدين يلاقي حاجات غريبة بتحصل، وخناقات من غير سبب، حاجات غريبة بقى وتفاصيل يعني في العلاقة مع مراتي غريبة جدًا".
وتابع علاء عوض حديثه عن حياته الشخصية، قائلاً: "أنا اتجوزت أربع مرات، وحاليًا أنا عازب، وبالنسبة للزواج والعزوبية، كل حاجة فيها حاجات حلوة وحاجات وحشة".
كما حرص علاء عوض، على تصحيح فكرة شائعة حول رفضه للأبوة، قائلاً: "لا بالعكس بالعكس، أنا زي أي حد يتمنى يكون أب يعني، بس أنا عندي خمس بنات، جميلة وأخواتها، وعندي فريدة وملك عاطف عوض، دول بناتي".
واختتم علاء عوض حديثه بتوضيح هام حول موقفه من الزواج، قائلاً: "أنا مش ضد الجواز، عشان فيه ناس لما هزرت قبل كده في كذا مقابلة وقلت أنا اتجوزت أربع مرات وتوبت، فهم فهموا إني بعدت عن الزواج، أنا بالعكس المرأة دي أحلى حاجة في التاريخ، في الدنيا كلها، مفيش حاجة أحلى من المرأة، بس قصة الجواز لغاية دلوقتي أنا لو لقيت الست اللي الكيميا بتاعتنا هتمشي مع بعض، وهنقدر نستوعب بعض، وهنقدر نفهم ظروف بعض هنتجوز".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
