مصطفى بكري يكشف لغز "الثقب الأسود" في الجيزة.. "مكان رعب"

قال الإعلامي مصطفى بكري إن وزارة الداخلية ضربت بقوة وأنهت وكر الثقب الأسود تحت كوبرى الجيزة، معلقا: الفيديوهات اللي انتشرت على السوشيال ميديا خلت الناس تحس إن ده مكان رعب، المكان كان بيتردد عليه أطفال ونساء وشباب، وبعض الناس بدأت تقول إنه أخطر من وكر العصابات اللي كنا بنشوفها في الأفلام.

وكر الثقب الأسود

أوضح مصطفى بكري خلال تقديمه برنامج "حقائق وأسرار"، والمذاع على قناة صدى البلد:الداخلية قبضت على 20 شخص داخل الوكر، من ضمنهم 7 لهم معلومات جنائية سابقة، وتم إنقاذ 5 أطفال كانوا مستَغلين في التسول، وتم ضبط 9 أسلحة بيضاء مع بعض المتهمين.

وتابع الإعلامي مصطفى بكري قائلا: الداخلية أغلقت المكان واتخذت الإجراءات القانونية، ونسقت مع الجهات المعنية لوضع الأطفال  في دور رعاية مناسبة بدلا مناستغلالهم

واختتم مصطفى بكري: "اللي حصل ده يثبت حاجة واضحة، وزارة الداخلية مش سايبة الساحة، أي حد يحاول يستغل الأطفال أو يشعل الفوضى هيلاقي رده الصارم، الداخلية واعية جدًا وبتتصدى لكل عصابات الإجرام سواء تجارة الأطفال أو المخدرات أو أي حاجة تانية."