أكد الإعلامي أحمد موسى أن كافة الحواجز أمام السفارات الأجنبية سوف يتم إزالتها مشيرا إلى أن الوقت قد حان لفتح كافة الشوارع أمام المصريين.
وقال موسى خلال برنامج "على مسؤوليتي" المذاع على قناة "صدى البلد": "بقول ولا سفارة هيكون قدامها حاجز كل السفارات هتتشال من قدامها الحواجز كلها تاني جميع السفارات لن يكون هناك سفارة امامها ولا حاجز هيتم فتح شارع القاهرة كلها بالكامل خلاص".
وأضاف: "انتهى الموضوع انتهى زمن قافلين الشوارع كل الشوارع هتتفتح مفيش سفارة على راسها ريشه".
وتابع: "ده احنا يا جماعه بنتكلم على السياحة في السايح يجي مصر يتمشى قدام الأمريكية يمشي زي ما هو عايز قدام البريطانية يمشي زي ما هو عايز الهولندية يمشي زي ما هو عايز ونعمل زي ما احنا عايزين يعني وممشى ونتمشى ايه المشكلة يعني حصل ايه كل الحواجز هتتشال".
وواصل: "لن يكون هناك ولا سفارة قدامها حاجز انتهى قول فصل لازم القاهرة كلها تبقى مفتوحة ليه مقفلين الدنيا يعني ما احنا النهارده اللي بنعمله ده ايه امن وامان، أدي مجال الناس تتمشى هو في أجمل من القاهرة يا جماعة دي بلد لا تنام القاهرة لا تنام".
وأكمل: "ليه مقفلين شوارع نفتح الشوارع كلها ما فيش حاجة اسمها حد يحط لي كفاية خلاص ناس تتفسح نعمل ممشى نعمل نربط الناس كلها نعمل ممشى هنا وممشى هنا عادي جدا".
