يا ترى إيه نظام إضافة المواليد على بطاقة التموين سنة 2025، مين اللى ليه حق يضيف، وإزاي تعملها وانت قاعد في بيتك من غير ما تلف على مكاتب التموين؟
في ناس كتير بتسأل "هو إضافة المواليد اتفتحت ولا لسه؟"، ومن هنا وزارة التموين لحد دلوقتي ما أعلنتش قرار نهائي يفتح الباب للجميع، لكن فيه فئات معينة بس هي اللي تقدر تضيف مواليدها دلوقتي، وده ضمن خطة الحكومة إنها تدعم أكتر الناس المستحقة.
والفئات دي هى مستحقين معاش تكافل وكرامة وأصحاب كارت الخدمات المتكاملة وأبناء الشهداء وزوجة الشهيد وكمان أبناء الأسر البديلة.
طيب، لو انت من الفئات دي، إزاي تضيف المواليد الموضوع سهل جدا، وكل حاجة أونلاين من خلال بوابة مصر الرقمية، والخطوات بتبدأ من انك تدخل على موقع بوابة مصر الرقمية، بعيدين تختار "خدمات التموين" ثن "ضم أفراد أسرتي"، وبعد كده تدخل بيانات الطفل أو الزوجة اللى هتضيفها، و ترفع المستندات المطلوبة زي شهادة الميلاد أو قسيمة الزواج، بعدين تضغط "إرسال" وتحفظ رقم الطلب، وبكده بدل ما تروح المكتب وتستنى بالساعات، بتخلصها وانت على الكنبة في 5 دقايق.
والفايدة من الإضافة دي مش بس إن اسم الطفل يبقى على البطاقة، لكن كمان هيستفيد من السلع المدعمة والخبز المدعم وده بيوفر على الأسرة مبلغ شهري محترم.
والوزارة قالت إنها هتراجع كل الطلبات بدقة وأي طلب هيتقبل الإضافة هتتم في خلال 30 يوم بس وتقدر تتابع الطلب من نفس البوابة.
والخلاصة، هى لو انت من الفئات المستحقة ما تضيعش وقتك، فجهز أوراقك واعمل الطلب أونلاين، وافتكر إن 2025 الوزارة شغالة على إنها تدخل كل المستحقين وتطلع أي حد مش من حقه الدعم، عشان الدعم يوصل للي محتاجه فعلا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
