كنز مصر اللي كان منسي والحكومة أحيته من جديد وهو تحويلات المصريين العاملين بالخارج واللي كسر كل الأرقام القياسية.. ياتري اية اللي اللي حصل في تحويلات المصريين العاملين بالخارج.. وازاي الحكومة هتزود إيرادات المصريين العاملين بالخارج.
زي ما ربنا ميز مصر بمميزات كتيرة جدا سواء كانت في مواردها الطبيعية الكتيرة دي واللي مكنت الحكومة في الوقت الحالي أنها تبني استراتيجيات لتحويل مصر لمركز إقليمي في حاجات كتيرة جدا زي السياحة والاقتصاد والطاقة، وغيرها من الجوانب الاقتصادية اللي الحكومة اشتغلت عليها وبكل قوة لبناء برنامج اقتصادي مصر قوي قادر علي مواجهة كل الصدمات الاقتصادية الخارجية.
الكنوز الكتيرة اللي الحكومة واحدة واحدة بتكتشفها من وقت للتاني كان فيهم كنز مهم جدا وظاهر علي الشاشة ولكن للاسف محدش من الحكومات اللي مرت علي مصر حاول أو فكر ازاي يستغل الكنز ده وهو المصريين العاملين بالخارج واللي هما منتشرين في كل دول العالم واللي هما طاقة بشرية كبيرة جدا وكانوا خارج التوقعات تماما أنهم يتحولوا لأهم مصدر دخل دولاري لمصر من الخارج في عزة أزمة مصر لنقص العملات الأجنبية في البنوك.
طيب اية حكاية تحويلات المصريين العاملين بالخارج وآية الحكومة هتزود إيراداتهم ؟.
كلنا فاكرين الأزمة الشهيرة اللي مرت علي مصر في 2023 واللي كانت فيها مصر بتعاني من نقص شديد جدا في العملات الأجنبية بالبنوك وده بسبب النشاط الغير عادي للسوق السودا في التجارة بالعملات الأجنبية واللي كانت لامه كل العملاء الأجنبية في جيوب المصريين خصوصا المصريين العاملين بالخارج وأهاليهم خصوصا انها كانت بتدي عائد اعلي بكتير من البنوك، وده اللي خلي كل المصريين اللي معاهم عملات أجنبية يتجهوا السوق السودا في التجارة بالعملات علشان يحصلوا علي اعلي عائد ولكن للأسف في ناس كتير منهم اتعرضوا لعمليات نصب خصوصا انهم كانوا بيتعاملوا مع جهات غير رسمية.
القرار الجرئ اللي أخذته الدولة بتحرير سعر الصرف في مصر بشكل مرن خلي كل تحويلات المصريين العاملين بالخارج والعملات الأجنبية اللي كانت مع المصريين ترجع لقنواتها الرسمية في البنوك خصوصا أن البنك حاليا بتعدي سعر اعلي من اللي كان موجود في السوق السوداء ده غير أنها بتوفر عوامل الأمن والامان للمتعاملين.
طيب إزاي الحكومة هتزود تحويلات المصريين العاملين بالخارج ؟.
امبارح كان في اجتماع مهم لمجلس الوزراء وبعدها كان في مؤتمر صحفي والدكتور مصطفى مدبولي رئيس مجلس الوزراء أعلن عن دراسة إطلاق أدوات مالية جديدة لتحفيز وتشجيع المصريين بالخارج على زيادة تحويلاتهم من خلال تصميم أوعية ادخارية مميزة وجاذبة هتيح للمصريين العاملين بالخارج عوائد مجزية وهتعزز مشاركتهم في دعم الاقتصاد الوطني، والخطوة دي هدفها تعظيم الاستفادة من موارد المصريين بالخارج، وتحويلها من مجرد تحويلات استهلاكية إلى أدوات استثمارية واستراتيجية بتضمن الاستدامة والعائد للطرفين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
