خلاص الحكومة وبشكل رسمي حددت اخر معياد لافتتاح المتحف المصري الكبير.. ياتري أمتي المتحف المصري الكبير هيشوف النور.. وآية مستهدفات الحكومة من افتتاح المتحف ده وايه الفائدة اللي هترجع علي مصر منه.
من كان سنه والحكومة بدأت تنفذ واحد من أهم المشروعات الأثرية في العالم وهو بناء المتحف المصري الكبير واللي هيكون اكبر متحف للإثار في افريقيا والشرق الأوسط واللي هيعرض أكثر من 54 الف قطعة أثرية أغلبهم لسه هيتم عرضهم قدام الزائرين للمرة الأولي في التاريخ أهمهم علي الاطلاق هي المجموعة الأثرية الكاملة للملك توت عنخ امون واللي بتوصل عددها لأكثر من 3500 قطعة أثرية مختلقة هتعرض بشكل كامل لاول مرة في التاريخ من وقت اكتشاف مقبرة الملك توت عنخ امون في البر الغربي في الأقصر عام 1922 علي يد العالم الانجليزي هوارد كارتر .
المتحف المصري الكبير واللي تم بناءه في ميدان الرماية بالقرب من منطقة الأهرامات الأثرية واللي تم الحاقه بمتحف خاص لمراكب الملك خوفو، واللي هيعرض فيها مركبي الملك خوفو وتم بناؤه كنموذج محاكاة لمكان وجودهم جنب أهرامات الجيزة، وكمان تم ربط المتحف المصري الكبير بكوبري مشاه مع منطقة أهرامات الجيزة علشان نخلي السائح بديل ما هو جاي يزور مكان واحد يزور موقعين اثريين بدلا من واحد.
طيب أمتي الحكومة هتفتتح المتحف المصري الكبير وازاي الحكومة بتستعد لحفا الافتتاح؟.
علي مدار الفترات اللي فاتت الحكومة حددت موعدين لافتتاح المتحف المصري الكبير أولهم كان يوم 27 نوفمبر 2020 كموعد مبدئي لافتتاح المتحف المصري الكبير ولكن توافق اليوم ده نهائي دوري ابطال افريقيا واللي كان بيم الاهلي والزمالك واللي المارد الأحمر حسمه بنتجية هدفين مقابل هدف، والحكومة عملت محاولات كتيرة مع الاتحاد الافريقي لكرة القدم لتأجيل الماتش لمدة 24 ساعة خصوصا أنه في حالة تنظيم حفل الافتتاح مع لعب الماتش فمكنش هيبقي في اهتمام كبير من الجماهير بحفل افتتاح المتحف المصري الكبير وكان الاهتمام الأكبر هيكون علي نهائي القرن الافريقي.
تاني موعد الحكومة حددته لافتتاح المتحف المصري الكبير كان يوم 3 يوليو اللي فات، والحكومة للمرة الثانية قررت تأجيل حفل الافتتاح بسبب ارتفاع وتيرة الأحداث الجيوسياسية في منطقة الشرق الأوسط وبالتالي كان متوقع انه محدش يجي كتير يحضر حفل الافتتاح ده الأحداث الإقليمية واللي داخله فيها عدد كبير من دول العالم وبالتالي كان العالم كله هيكون مركز مع الاحداث الإقليمية ومحدش هيكون مركز في حفل الافتتاح وكان هيكون في اعتزارات كتيرة جدا عن الحضور بسبب الأحداث الإقليمية.
ثالث معياد تم تحديده لافتتاح المتحف هيكون يوم 1 نوفمبر اللي جاي وده بعج موافقة رئيس الجمهورية علي الميعاد الجديد وهيكون في دعوات لأغلب رؤساء ورؤساء حكومات دول العالم لحضور الافتتاح والحكومة بتتوقع استقبال أكثر من 5 مليون سائح جديد مع الافتتاح الرسمي للمتحف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
