وجّه الدكتور محمود محمد علام، استشاري الإرشاد النفسي والأسري، في تصريحات خاصة لـ”كشكول”، رسالة هامة لطلاب الثانوية العامة الذين يستعدون لامتحانات الدور الثاني، مؤكدًا أن الشعور بالإحباط بعد الرسوب في مادة أو مادتين أمر طبيعي، لكن الأهم هو كيفية التعامل مع هذه المرحلة.
وشدد على أن امتحانات الدور الثاني ليست نهاية الطريق، بل تمثل فرصة حقيقية لتعويض ما فات، وربما تحقيق نتائج أفضل من الدور الأول.
نصائح نفسية لطلاب الدور الثاني من الثانوية العامة
1. ركّز على اللي جاي مش اللي فات
اللي حصل في امتحانات الدور الأول انتهى، والمهم دلوقتي إنك تتعلم من التجربة وتبدأ بداية جديدة ويعتبر امتحانات الدور الثاني فرصة حقيقية لتعويض ما فات، فخليك شايفها كبداية قوية مش نهاية مؤلمة.
2. بلاش جلد ذات بزيادة
اللوم المستمر على النفس مش هيساعدك، بل ممكن يزود التوتر والإحباط واعترف بالأخطاء وخد منها درس، لكن لازم تبدأ من جديد بنظرة إيجابية لنفسك.
3. رتّب يومك واهدأ
حاول تعمل جدول مذاكرة منظم يراعي وقت للراحة والاسترخاء، لأن المذاكرة تحت الضغط بتقلل من التركيز وقم بترتيب اليوم لفترات قصيرة للمذاكرة متبوعة بفترات راحة.
4. ابعد عن الناس المحبطة
تجنب أي كلام سلبي زي “مش هتلحق” أو “الدور التاني صعب” وخليك دايمًا وسط الناس اللي بتشجعك وبتدعيلك، حتى لو شخص واحد بس.
5. نظّم أسلوب حياتك من نوم وغذاء
جسمك محتاج طاقة عشان يقدر يركز ونام عدد ساعات كافٍ، وكل وجبات بسيطة وصحية، وقلل من المنبهات والسهر.
6. ابعد عن المقارنات
كل طالب له ظروفه وطريقه، ومقارنة نفسك بغيرك مش هتفيدك وركّز في طريقك أنت، واجتهد فيه، لأن النجاح ليك مش لحد تاني.
7. افتكر هدفك دايمًا
كل مرة تحس بالتعب أو الإحباط، فكّر في حلمك والكلية اللي نفسك تدخلها، نظرة أهلك لما تنجح، مستقبلك اللي بتحاول تبنيه والصورة دي لو فضلت قدامك هتديك طاقة تكمل بيها.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
