بعد نجاحه في "عايشة الدور".. نور محمود: "مراتي هي مديرة حياتي"

حل الفنان نور محمود ضيف في برنامج الستات مبيعرفوش يكدبوا مع الإعلامية منى عبد الغني وهبة الاباصيري، والمذاع عبر شاشة قناة CBC، وجاء ذلك بعد تألقه ونجاحه الكبير في مسلسل عايشة الدور بطولة الفنانة دنيا سمير غانم، والذي عُرض في موسم دراما رمضان 2025.

نور محمود: مراتي هي مديرة حياتي

وتحدث الفنان نور محمود خلال لقائه في برنامج الستات مبيعرفوش يكدبوا عن علاقتة بزوجتة، و دورها الكبير في نجاحه في مجال التمثيل.

وقال نور محمود: “أنا حلم حياتى موضوع التمثيل و أى حاجة كنت بعدى بيها أقول دى حاجة بتعلمنى عشان أوصل لحلمى لإن أنا أول مره أقف قدام كاميرا كان فى 2006 مع الأستاذ إسماعيل عبدالحافظ فا من الوقت ده لحد 2016 عملت فيهم كل المحاولات السهلة و الغير سهلة عشان أظهر و ما عرفتش و قررت إن أنا أتراجع عن الموضوع و كنت بقول لنفسى واضح إن أنا مـوهوم مش موهوب”.

وأضاف:" لحد ما كام حاجة حصلت كده رجعونى تانى للتمثيل و أول ما رجعت لقيت مديرى فى الشغل عايز يمشينى بعد ما كان متفق معايا إنى لو عرفت أدخل المجال هو هيقف جمبى بس رجع فى كلامه فا جت نانسى مراتي قالتلى انت طول عمرك نفسك تبقى ممثل و الفرصة جاتلك هى آه جت من طريق صعـب بس ما تضىِعش الفرصة و هنستحمل الظروف دى مع بعض لحد ما تعدى".

وتابع: “و فضلت ترتب مشاويرى و مصاريفى و أيام شغلى لحد ما وقفت على رحِلى.. فا لولا كرم ربنا و بعده نانسى مراتى ما كنتش هبقى نور اللى قاعد قدام حضرتك ده، فا عشان كده بقول إن أنا مشروعها أو هى مديرة حياتى فعلا فا ربنا يحفظها من كل شر يارب و يخليها ليا”.

نور محمود في مسلسل عايشة الدور

تألق الفنان نور محمود في موسم دراما رمضان 2025 من خلال تقديمه البطولة في مسلسل عايشة الدور امام النجمة دنيا سمير غانم، واستطاع الثنائي أن يحقق نجاح كبير سويًا.