طبعا كلنا شايفين الفترة العصبية اللي بتمر بيها مصر بسبب حوادث الطرق، ياتري اية خطة الحكومة لتقليل الحوادث ودي وفائدة ده علي الاقتصاد المصري والناتج القومي المصري.
الاسبوعين اللي فاتوا كانوا وقت عصيب جدا علي الحكومة المصرية واللي تعرضت فيه لانتقادات كبيرة بسبب بعض الحوادث المختلفة اللي حصلت خلال الفترة اللي فاتت خصوصا الحوادث اللي اتكررت لأكثر من مرة علي الطريق الإقليمي، واللي نتج عنها عدد كبير من الضحايا المصريين،. هنا الحكومة انتفضت وصدر قرارارت من القيادة السياسية بالاغلاق الفوري الجزئي للطريق الإقليمي والبدء في عمليات إصلاحه وتطويره علشان يكون واحد من الشرايين الرئيسية للدولة المصرية ويكون واحد ضمن المحاور الرئيسية اللي هتحفظ حياة المصريين وهتكون بسبب رئيسي في نهضة كبيرة للاقتصاد المصري .
طيب اية فائدة تطوير الطرق الي الاقتصاد المصري ؟
من بداية تولي الرئيس عبدالفتاح السيسي لمقاليد الحكم الدولة اخذت خطوات جادة لتطوير البنية التحتية في مصر بشكل عام وخصوصا في قطاع الطرق والكباري وده لأكثر من هدف أولهم تعزيز السلامة المروريةوتقليل الحوادث المرورية ودعم النمو الاقتصادي وتسهيل حركة النقل والتجارة بهدف تعزيز الاقتصاد الوطني وجذب الاستثمارات، وتشجيع السياحة خصوصا أن رفاهيه توفر طرق حديثة وآمنة بيساهم في جذب السياح وتسهيل تنقلهم بين المدن والمناطق السياحية، ده غير توفير فرص العمل خصوصا أن المشاريع الجديدة في الطرق والكباري وفرت عدد كبير من فرص العمل المباشرة وغير المباشرة في مجالات الهندسة والبناء والخدمات، ده غير أنها وفرت علي مصر ارقام كبيرة كانت بتنفقها مصر علي واردات المواد البترولية وكمان ساهمت في خطة مصر لتقليل الانبعاثات الكربونية.
الخطة اللي الحكومة اشتغلت عليها لتحديث البنية التحتية في مصر استهدفت كمان ربط مواقع الإنتاج بمواقع التصدير وده حصل من خلال بناء وتشييد طرق جديدة لنقل الإنتاج المحلي والسلع والصناعات اللي بيتم تصنيعها في مصر الي مصادر التصدير زي المؤاني والمطارات وده واحد من أهداف الاستراتيجية الوطنية لزيادة الصادرات والوصول الي بحجم الصادرات المصرية ل 140 مليار دولار في 2030، ده غير كمان ربط المدن والمحافظات ببعضها البعض لخدمة السياحة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
