كل يوم بنسمع ونقرا أو اهتمام مصر بالسوق الافريقي، وان افريقيا سوق واعد ومهم جدا بالنسبة لمصر.. ياتري اية سر اهتمام مصر بالسوق الافريقي وآية العائدات الاقتصادية اللي بترجع علي مصر منها.
في السنين اللي فاتت مصر قطعت شوط طويل جدا ل وتطوير علاقاتها الاقتصادية مع القارة الإفريقية، وتحول السوق الإفريقي لمحط أنظار الدولة لتكون بوابة جديدة للمنتجات المصرية وده لأكثر من سبب أولي أن أفريقيا قارة بتضم نسبة كبيرة جدا من سكان الكرة الأرضية بيوصل عددهم لأكثر 1.4 مليار نسمة، ومعظم دول القارة الأفريقية في مرحلة نمو اقتصادي سريع، وده بيعني زيادة في الطلب على السلع والخدمات.
طيب اية هيا المميزات اللي يتميز السوق الافريقي عن غيرها من أسواق العالم؟.
في ميزات كتيرة موجود في السوق الافريقي بالنسبة لمصر مش موجودة في أي سوق تاني، اول المميزات دي أنها قريبة جدا لدينا وده بيقلل تكاليف النقل والشحن والتوصيل.
مصر كمان عندها ميزة من اتفاقيات التجارة مع عدد كبير من دول القارة السمراء أهمهم اتفاقية الكوميسا واللي بموجبها اغلب الصادرات المصرية معفية من الجمارك في بعض الدول الإفريقية، ده غير أن السوق الافريقي المنافسة فيه قليلة جدا خصوصا أن أغلب الدول دي بعيدة تماماً عن التصنيع المحلي وبالتالي هيا اسواق محتاجة لكل إنتاج.
طيب اية هيا أهم القطاعات اللي الدولة مركزة عليها للتصدير للسوق الافريقي؟.
في عدد كبير من الصناعات الدولة مركزه عليه للتصدير للسوق الافريقي أهمهم الصناعات الغذائية زي السكر والمكرونة والمنتجات الزراعية، خصوصا أن المنتجات دي عليها طلب عالي جدا هناك، وفي نفس الوقت الإنتاج بتاعهم مش مكفي الأسواق المحلية هناك.
تاني قطاع مهم جدا بالنسبة لمصر وبتصدره بكميات كبيرة للسوق الافريقي هو مواد البناء زي الأسمنت والسيراميك وباقي المواد التانية اللي بتدخل في البناء.
ثالث قطاع الدولة مركزة عليها بصورة كبيرة في الصادرات المصرية للسوق الافريقي هيا المنتجات الدوائية والكيماوية، وده طبعا بسبب انتشار عدد كبير من الأمراض والأوبئة واللي أغلبها ملهاش علاج عندهم هناك وبالتالي اغلب دول القارة في خامة مستمرة للاستيراد لعلاج شعوبهم، ومحاربة الأمراض المنتشرة هناك.
علي الرغم من الاسبوع الكبير اللي قامت بيه في الدخول في السوق الافريقي إلا أن بعض فيه شوية تحديات الحكومة شغاله علي التخلص أهمهم ضعف البنية التحتية اللوجستية خصوصا أن عدد كبير من دول القارة البنية التحتية فيها متأخرة جدا وده بيصعب من الوصول للأسواق المستهدفة.
وعلشان الحكومة تتغلب علي المشاكل دي كلها اتجهنا لإنشاء عدد كبير من المراكز اللوجستية المصرية في كينيا وغانا، وده بياكد أن اهتمام مصر بالسوق الإفريقية مش مجرد خطوة اقتصادية، ولكنه استثمار استراتيجي طويل الأجل، ةالقارة الإفريقية بتمثل مستقبل واعدا للصادرات المصرية، ونجاح الخطوات اللي بتقوم بيها الحكومة هائلا هيؤدي لزيادة الصادرات المصرية بأرقام كويسة جدا وهيحقق هدف الحكومة الأساسي بالوصول بالصادرات المصرية ل 140 مليار دولار في 2030.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
