من ساعات الرئيس عبدالفتاح السيسي قال كلمة بمناسبة الاحتفالات بالذكرى الـ 12 لثورة 30 يونيو.
الرئيس قال فى كلمته :" الناس شايلة كتير.. ده حقيقي .. واللي شايفه المواطن على الأرض.. الدولة شايفاه كمان وبتتحرك عليه.
السيسي قال بوضوح تخفيف الاعباء عن الناس أولوية قصوى للدولة مفيش حاجة اهم دلوقتي من إن المواطن يقدر يعيش ويكمل.
وأكد انه في وسط اوضاع صعبة حوالينا من كل اتجاه مصر بتحاول تحافظ على التوازن .. وبتحاول تشتغل على استقرار الأسعار وفتح أسواق جديدة وزيادة المعروض.
واتكلم عن الحاجات اللى بتنفذها الدولة وقال: " الدعم شغال والمبادرات شغالة في التموين والصحة والتعليم.. كمان فيه تحسين في المرتبات والمعاشات والدولة بتصرف وبتدعم وبتحاول.
الرئيس عارف ان التحديات كبيرة وان الطريق مش سهل بس الأهم إن فيه اعتراف بالضغط اللي الناس فيه وإن في تحرك لتخفيفه.
المشروعات اللي اتعملت مش رفاهية هي محاولات لتقوية الاقتصاد علشان يقدر يوفر فرص ويقلل الاعتماد على الاستيراد ويقلل الضغط على الجنيه.
الرئيس قالها بصراحة الأعباء تقيلة بس احنا مش هنحيد عن هدفنا في وطن كريم.
وطبعا مفيش حل سحري ولا تحسن فوري بس فيه شغل ومحاولات جادة وكل خطوة معمولة علشان توصل للي الناس محتاجاه.
تخفيف العبء مش وعد ده مسار واضح الدولة ماشية فيه وكل الإجراءات اللي بتتخذ بتراعي اللي تحت الضغط واللي محتاج دعم حقيقي.
الرؤية واضحة والرسالة أوضح الدولة شايفة اللي بيحصل وشغالة عليه ولسه مفيش سقف للتحرك علشان الناس تحس بالفرق.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
