يا ترى ليه وزير الاستثمار طار على الصين، رايح هناك يعمل إيه بالضبط، وليه الزيارة دي مهمة لمصر، هل مثلا هيعمل صفقات جديدة ولا رايح يجيب مستثمرين، وإيه أهمية الزيارة دي للمواطن البسيط؟
في الحقيقة، المهندس حسن الخطيب وزير الاستثمار والتجارة الخارجية راح الصين في زيارة مهمة جدا، واللي هدفها تقوية العلاقات الاقتصادية وزيادة الاستثمارات والتبادل التجاري بين مصر والصين.
والوزير مش بس هيزور بكين، لأ ده كمان عنده جدول مزدحم، هيشمل تيانجين وشانغهاي، يعني مفيش دقيقة هتضيع، ومقرر إنه يلتقي شخصيات كبيرة زي وينج ونتاو وزير التجارة الصيني، وكمان وانج بنج نائب رئيس بنك التنمية الصيني، ووانج شاودانج رئيس صندوق التنمية الصيني الأفريقي، يعني مباحثات تقيلة هتحط أسس لاستثمارات كبيرة على ارض الواقع، ومستصمرين صييين جدد جايين مصر قريب جدل.
وبردو، وزير الاستثمار هيشارك في منتدى الاستثمار المصري الصيني، واللي بينظمه المكتب الاقتصادي والتجاري في بكين، وهيروح مأدبة غداء فيها شركات شغالة في مجالات السيارات وتصنيع البطاريات وكمان تحلية المياه.
كمان، الخطيب هيلحق منتدى اقتصادي عالمي في تيانجين وهيناقش قضايا زي التجارة العالمية والإصلاح الاقتصادي، وهيسمع من كبار المستثمرين ويتكلم معاهم عن الفرص الموجودة في مصر.
ونقدر نقول إن الزيارة دي مهمة جدا لمصر، وده لأن الصين بتعابر من أهم الشركاء الاستثماريين لمصر، وكل ما زادت الاستثمارات الصينية في بلدنا، كل ما فرص العمل زادت والنمو الاقتصادي ارتفع.
كمان، الهدف من الزيارة كلها، إننا نجيب استثمارات جديدة ونزود شراكاتنا، ونفتح سوق أوسع للمنتجات المصرية، ونعزز التعاون الاقتصادي مع الصين.
وطبعا، كل ده زهيترحم في مشاريع وفرص جديدة هتظهر قريل في مصر، واقتصاد بينتعش وفرص عمل للشباب وسلع متوفرة في السوق المحلي، وكل ده طبعا هيعود بالخير على المواطن البسيط.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
