حذر عدد كبير من العملاء من منتجات شركة فريش بعد عرض أحد العملاء شكوته ونجاته هو وأسرته من حريق بسبب بوتاجاز شركة فريش.
وقال صاحب المشكلة،" السادة شركة FRESH فريش دة حضراتكم بوتاجاز اتحرق نتيجه مشكله في الفرن كذا شكوى ولا حياة لمن تنادى وكان هايحرق البيت كلة لولا ستر ربنا ولطفه حرام عليكم والله ارواح الناس .. اسوأ حاجه ممكن تعملها انك تجيب بوتاجاز فريش".
وتابع،" تعديل للبوست شركه فريش والجهاز اصلا في الضمان مكملش سنه امان كامل !!!انا كده بقالي 20 يوم بكلم الشركه من وقت حريق البوتجاز وجالي فني وبرضو قالي ممكن تكون في مشكله في الفرن وهرجع للشركه وهيرضو عليك ولا راضين يبدلو الجهاز ولا يصلحو وكل ما ارن عليهم يقولي مستنين رد الاداره وكل يوم ارن عليهم يقولو هنتواصل معاك خلال 24 ساعه ومحدش بيرد حسبي الله ونعم الوكيل".
وتفاعل عدد كبير من العملاء مع صاحب المشكلة ومنهم من قال" حقك شركة فريش شركة غير محترمة للعملاء ولا فيها صيانة ومنتجات تعبانة للاسف حرمت اشتري منهم خليهم مكتفيين باعلانات التليفزيون".
وتابع اخر " حسبنا الله ونعمة الوكيل بيتهاونوا فى أرواح الناس منهم لله يعنى فلوس بتدفع وكمان خسارة طيب ناس تعمل ايه فى المعادلة الصعبة ديه غلاء وابتلاء".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
