علق الإعلامي عمرو أديب على فوز الأهلي على فريق البنك الأهلي بهدفين مقابل هدف في المباراة التي أقيمت، بينهما مساء اليوم ضمن منافسات بطولة الدوري.
وقال أديب خلال برنامج "الحكاية" المذاع على قناة "أم بي سي مصر": "قولي الأهلي كسب ليه قولي اللي حصل ده حصل ليه النهاردة غير إن الأهلي لازم ياخد الدوري".
وأضاف: "اللي حصل النهاردة غير عادي هو سحر هو عمل هو كل حاجة متقوليش أصل الأهلي لما غير طريقته ولا أي حاجة من دي خالص مفيش أي تفسير منطقي للي حصل النهاردة غير أنه هو كده وهو ده الأهلي وهي دي حياتكم وهي دي بلدكم".
وتابع: "الرسالة أن الأهلي لازم ياخد الدوري في شيء غير طبيعي بجد هذا فريق لا يستحق أن يأخذ دروي ولكن هذا فريق يستحق أن الدوري يروحله وأن الدينا كلها تلف عشانه".
وأوضح: "إنما تقولي الفرقة وكابتن عماد النحاس ولا أي حاجة والبنك الأهلي كان أحسن من الأهلي النهاردة 100 مرة ولكن ماذا أقول؟ حسبي الله ونعم الوكيل جايز كان هيجرالي حاجة مثلا وجايز كان هيجيلي جلطة من السعادة لو الأهلي مخدش الدوري".
وأكمل: "ألف مبروك للنادي الأهلي وغلطان اللي يشك ولازم يبقي عندك إيمان كبير وعظيم أن مفيش فايدة دا سعد زعلول ده كان عبارته واضحة وطبعا مفيش فايدة دي محدش يضايق نفسه".
وذكر: "أنا النهاردة كده وقفت كده وبصيت وقلت طيب شكرا وبعدين لقيت الرسائل بتاعتي أهلي وزمالك كلهم باعتنلي كلمة واحدة مبروك النادي الأهلي أنا حبيت أثبت حالة واحتمال أروح أعمل محضر عند محمد بيه في قسم الهرم وأن النادي الأهلي سرق الدولي".
واختتم: "أجيب الأستاذ محمد أبو شقة رغم أنه أهلاوي يرفعلي قضية أن الأهلي مياخدش الدوري تاني".
