الدهب في مصر مع نهاية شهر أغسطس هيكمل هبوطه اللي شفناه الفترة اللي فاتت ولا هنشهد موجة ارتفاع جديدة، طب هل الوقت الحالي مناسب للناس ترجع تشتري تاني بقوة؟
في الحقيقة، في توقعات قوية إن الأسعار هتشهد صعود جديد الفترة اللي جاية، وده طبيعي لأن الدهب لسه الملاذ الآمن سواء للأفراد أو حتى للدول، وكل ما التوترات الاقتصادية أو قرارات الفايدة تزيد فالدهب بيتأثر على طول.
وفي الساعات الأخيرة، عيار 24 بيتراوح ما بين حوالى 5230 جنيه للجرام وعيار 21 بيترواح ما بين 4570 جنيه للجرام، وده مع اختلاف المصنعية من 100 ل 250 جنيه حسب نوع المشغولات.
ونقدر نقول، إن السبايك الدهبية بتعتبر الاستثمار الأفضل مقارنة بالمشغولات، لانها أقل في التكلفة ومفيهاش مصنعية تقيلة، وبتدي عائد استثماري أوضح على المدى المتوسط والقصير، لكن في نفس الوقت المشغولات ليها جمهورها اللى بيحب يلبس ويستفيد منها كزينة وفي نفس الوقت يحافظ على قيمة فلوسه.
والتوقعات كلها بتقول ان الدهب داخل على موجة ارتفاعات، فالنصيحة دلوقتي لو حابب تتشري فانزل اشتري لان الأسعار الحالية بتعتبر مناسبة للشراء خاصة مع احتمالية موجة ارتفاع جديدة في نهاية أغسطس، يعني اللي عايز يستثمر أو حتى يحافظ على مدخراته، فالوقت مناسب إنه يتحرك.
ومن زاوية تانية، بعض الخبرا شايفين إن استقرار الجنيه في الفترة الأخيرة كان ليه دور في تراجع الأسعار مؤقت، لكن أي تغيير في سعر الصرف أو زيادة في الطلب المحلي والعالمي هيدفع الدهب للصعود تاني وبقوة.
كمان ما ننساش، إن حركة الشراء في موسم المناسبات والأعياد بتأثر بشكل مباشر على السوق المحلي ومع نهاية أغسطس ودخول شهر سبتمبر اللي بيشهد مناسبات كتيرة فالطلب ممكن يزيد وبالتالي الأسعار تتحرك لفوق، يعنى باختصار كل المؤشرات بتقول إن الدهب هيظل الملاذ الآمن، وممكن جدا نشوف موجة صعود جديدة قبل ما الشهر يخلص.
ومن العوامل المؤثرة كمان، إن البنوك المركزية على مستوى العالم بتستمر في زيادة احتياطياتها من الدهب وده بيزود الطلب العالمي وبالتالي هترفع الأسعار تدريجيا حتى لو السوق المحلي شهد هدوء مؤقت.
غير كده، المستثمرين شايفين إن الدهب بيظل أوعى استثمار وقت الأزمات مقارنة بالعقارات أو البورصة، لأنه أسرع في البيع وتسييل الفلوس وده بيخلي أي موجة قلق اقتصادي تدفع الناس للدهب مباشرة فيرفع الطلب والأسعار معاه.
يعني باختصار، كل المؤشرات بتقول إن الدهب هيظل الملاذ الآمن، وممكن جدا نشوف موجة صعود جديدة قبل ما الشهر يخلص.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
