هل سوق العقارات في مصر حاليا في أزمة بسبب الفقاعة العقاري ولا الموضوع مبالغ فيه ودي طبيعة السوق.
سمعنا كتير عن مصطلح الفقاعة العقارية في السوق المصري، وعلشان نفهم الأزمة لازم نعرف يعني اية مصطلح فقاعة عقارية وده ببساطة أن العقارات المعروضة للبيع سعرها اعلي بكتير من سعرها الحقيقي لو اتمنت كبيع وشراء وفقا الاحصائيات اللي كانت بتم في البيع والشراء زمان، لكن دلوقتي البيع والشراء بيتم بالكلام وكل بائع بيقول عايز في الشقة بتاعي الرقم ده بدون ما تتمن.
خبراء في السوق شايفين إن الانفجار الكبير اللي حصل في أسعار العقارات في مصر سبب أنه في ناس كتيرة خلال الفترات اللي فاتت حصل منها هجوم علي شراء العقارات في مصر وكان غرضهم من الشراء هو تحقيق مكاسب مادية مش السكن، وده عن طريق إعادة بيعها في المستقبل، ومع ارتفاع حركة الشراء والنسب الكبيرة اللي موجودة حاليا في الأسعار حصل تراجع وانخفاض كبير جدا من الناس علي الشراء خصوصا أن الأسعار المعروض بيها الشقق والعقارات مرتفعة جدا، ومش كل الناس هتقدر عليها.
طيب اية اللي بيحصل في سوق العقارات في مصر ؟.
في أكتر من رجل اعمال في السوق المصري حذروا في الوقت اللي فات من حدوث فقاعة عقارية في السوق المصري زي رجل الأعمال نجيب ساويرس واللي أكد أن ارتفاع أسعار الفائدة خلي التمويل العقاري مكلف جدا، وادي الي رفع أسعار العقارات بشكل غير مستدام، وده زود خطر حدوث فقاعة عقارية.
الجارديان المصرية هيا كمان حذرت من مخاطر الفقاعة الاقتصادية، واللي اكدت أن في عدد كبير من المشروعات العقارية عارضه عقارات وشقق سكنية في السوق المصري بما يفوق القدرة الشرائية للمستهلك، وده بيهدد بانخفاض الأسعار في المستقبل، الفقاعة العقارية أدت إلى زيادة في القروض المتعثرة وتراجع الثقة، وتأثيرات اقتصادية سلبية واسعة علي قطاع العقارات.
التراجع الكبير في شرائح العقارات والشقق السكنية خلي المستثمرين والمطورين العقاريين يطرحوا عروض للبيع بالتقسيط لتنشيط حركة البيع والشراء ومع ذلك حركة البيع والشراء لسه ضعيفة جدا، وده بيهدد بوجود حالة ركود كبيرة في سوق العقارات في مصر.
في نفس الوقت فيه خبراء كتير في السوق شايفين إن مفيش حاجة اسمها فقاعة عقارية في مصر دلوقتي وشايفين اللي بيحصل دا دورة السوق العادية بين الصعود والهبوط والعرض والطلب وأكدوا إن الطلب على العقار في مصر مرتفع باستمرار بسبب عدد السكان والتوسع في الاستثمار في العقار باعتباره ملاذ استثماري مهم ومضمون.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
