وقال شوبير في برنامجه الاذاعي ان بيريرا كان ضيفه من قبل، وسأله هل في إمكانية لاستقدام حكام أجانب في الدوري، ليرد عليه : طول ما أنا موجود لا، وفجأة اتحاد الكرة يعلن عن طاقم تحكيم إسباني لمباراة القمة.
وتابع: “أوجه رسالة لاتحاد الكرة، لو عاوز تصلح حال الكرة المصرية فعلا، يبقى لازم تعلن من دلوقتي نظام الدوري في الموسم الجديد، وكل يوم بقول الكلام ده، وتحط ضوابط وقواعد للتحكيم بدل العشوائية اللي بنشوفها دي”.
وواصل شوبير: من ضمن الحاجات اللي هتجنني حوار الكابتن محمد الحنفي، لساني نشف بسببه، وبيريرا قالي مش هيلعب تاني خلاص وسقط في الاختبار، ولن يتواجد حكم ساحة مرة أخرى، نبص نلاقي امبارح إن الحنفي بيدير بيراميدز والمقاولون ونجم المباراة، أيوة حضرتك كنت باعده ليه؟.
واختتم: “اتحاد الكرة تدخل، وقال لبيريرا احنا عندنا حكام كويسين، ومش هيمشي معانا الكلام ده، وبعد كلام أحمد دياب غالبا كدا هيحصل غربلة في لجنة الحكام، وبيريرا ماشي خلاص”.
