الديون الخارجية واحدة من أهم المشاكل اللي عاملة أزمة في النهضة الاقتصادية اللي الحكومة بتقوم بيها في الوقت الحالي.. ياتري الحكومة هتتعامل مع الازمة دي ازاي.. وآية خطة الحكومة للتخلص من الديون الخارجية.
مصر في الوقت الحالي زيها زي اغلب الدول عندها التزمات ديون خارجية لازم تسددها وده اللي بتعمله الحكومة لما أعلنت عن التزامها بسداد كامل الديون والقوايد المستحقة عليها سواء كانت ديون خارجية لصندوق النقد الدولي والجهات والدول اللي مصر استدانت منها في السنين اللي فاتت.
طيب الديون الخارجية لمصر بتوصل لكام ومصر هتسدد منها كام السنة دي؟.
الحكومة المصرية خلال 2024 نجحت في سداد 38.7 مليار دولار، وده كان تحدي كبير للحكومة لتوفر رقم ضخم وكبير زي ده خصوصا أن مصر كانت بتعاني بشكل كبير من نقص شديد في العملات الأجنبية .
الدكتور مصطفى مدبولي رئيس الوزراء قال إن مصر متلزمة بسداد ديونها الخارجية، وهيوصل إجمالي الديون الديون وفوائدها اللي مصر هتسددها السنة دي لـ 43.2 مليار دولار من يناير لحد سبتمبر 2025 منهم 5.9 مليار دولار فوائد ديون، و37.3 مليار دولار أصل القروض.
البنك الدولي قال في تقرير له إن الحكومة المصرية هتكون مطالبة بسداد 10.4 مليار دولار من المبالغ دي، والبنك المركزي هيكون مطالب بسداد 21.2 مليار دولار، والبنوك التجارية هتكون مطالبة بسداد 8.1 مليار دولار، والقطاعات التانية في الدولة هتكون مطالبة بسداد 3.5 مليار دولار في أول 9 شهور من السنة الحالية.
البنك الدولي أكد كمان أن الالتزامات الدولية على مصر بتتوزع بين قروض بقيمة 17.1 مليار دولار، و20.5 مليار دولار ودائع واتفاقيات مبادلة عملة هيكون لازم على البنك المركزي سدادها خلال 2025. ده غير 272 مليون دولار ودائع وعملات مستحقة على البنوك لازم يتم سدادها. وكمان في 3.1 مليار دولار هنسددهم كأوراق دين، وأخيرًا 2.1 مليار دولار كديون تسهيلات تجارة
طيب إزاي الحكومة هتتخلص من ديونها الخارجية ؟.
في الوقت الحالي الحكومة شغاله علي اكثر من خطة للتخلص من الديون الخارجية أول الخطط دي هي استبدال الديون الخارجية باستثمارات مباشرة في الاقتصاد المصري، ودي خطة الحكومة شغالة عليها وبكل قوة، وفي الفترة اللي فاتت الحكومة قدرت تتخلص من نسبة كبيرة من ديونها الخارجية الصين وإيطاليا وحولتها لاستثمارات مباشرة في الاقتصاد المصري، وحاليا الحد مو نجحت كمان في تحويل جزء كبير من ودائع الامارات في البنك المركزي لاستثمارات مباشرة في الاقتصاد المصري ولسه الحكومة شغالة في مناقشاتها مع الدول المنظمات اللي لها عندنا ديون لاستبدال ديونها باستثمارات مباشرة في الاقتصاد المصري.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
