الدولار حاليا في فترة تراجع شديدة، وحاليا وصل لأقل سعر ليه عالميا .. فياتري اية اسباب تراجع سعر صرف الدولار عالميا.. وهل الدولار هيرجع يرتفع مرة تانية في الفترة اللي جاية.
الدولار حاليا بيعيش فترة صعبة جدا من التراجع وده بسبب الصدام اللي موجود حاليا بين الرئيس الأمريكي دونالد ترامب ورئيس مجلس الاحتياطي الفيدرالي الأمريكي جيروم باول، والتهديدات اللي اللي بيهدد بيها الرئيس الأمريكي ترامب وعزمه الاطاحة برئيس البنك المركزي هناك.
التهديدات اللي أعلن عنها ترامب، عملت أزمة كبيرة في السوق الأمريكي، واثرت علي وضع الدولار كعملة عالمية مهمة لكل دول العالم، وبعد التصريحات بتاع ترامب في عدد كبير من صناديق التحوط بدأت تبيع الدولار، وده ضغط على العملة الأمريكية علشان تهبط لأدني في 4 سنين تقريبا قدام باقي العملات التانية، وكمان العقود الآجلة للمؤشرات الأمريكية هبطت وبسرعة كبيرة جدا، واغلب المؤسسات والصناديق الدولية بدأت تتخلص من الدولار بسبب الهزة الكبيرة اللي بيتعرض لها مؤخرا.
" title="أيام صعبة على الدولار.. سر انهيار العملة الأمريكية بالأسواق العالمية" frameborder="0">
السلطات الأمريكية في الوقت الحالي بتحاول مع المستثمرين لإعادة الثقة ورفع عائد السندات الأمريكية ووقف عمليات الهروب والتخلص من الدولار ولحد اللحظة دي محاولاتهم لسه موصلتش لاي نتائج، والمستثمرين طلبوا فايدة أكبر للاحتفاظ بالسندات الأمريكية.
نزيف الدولار قدام العملات العالمية التانية متوقفش لحد كده لا ده كمان انتقل للبورصة واللي حققت خسائر كبيرة جدا، وفي الوقت نفسه الخسائر اللي حققها الدولار اتحولت لمكاسب اللذهب واللي حاليا محقق ارقام قياسية لأول مرة في التاريخ وسعر الأونصة عدي 3500 دولار، ومن بداية 2025 الذهب محقق من أكثر من 30% مكاسب وكل المؤشرات بتقول أن الذهب مكمل علي الاقل في الفترة الحالية ولحين استقرار الأوضاع والتوترات الاقتصادية العالمية .
طيب السؤال المهم دلوقتي هل الدولار قادر علي العودة مستقبلا قدام الجنية المصري، خصوصا بعد قرار البنك المركزي بخفض اسعار الفايدة في مصر؟.
الحقيقة أن علي الرغم من الضربات الشديدة اللي بتوجه الدولار بشكل عالمي الا ان عودة قوة الجنية المصري مرهون بسداد الحكومة لديونها الخارجية، وفي حالة نجاح الحكومة في المهمة دي، فممكن نشوف سعر الدولار اقل من 50 جنيه خصوصا أن الحكومة بتطبق مبدأ مرونة الصرف، وفي اي اسباب تستدعي عودة ارتفاع اسعار صرف الدولار مستقبلا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
){kind=link}