إيه اللي يمنع الصين إنها تبقى زعيمة العالم؟ .. تخيّل معايا دولة بـ19 تريليون دولار ناتج قومي .. تاني أكبر اقتصاد في الكوكب .. وبنك مركزي عنده احتياطي نقدي يخلّي أي حد يفكر ألف مرة قبل ما يتحداها ..وهل الصين فعلاً تقدر تنهي هيمنة الدولار؟ .. وهل هتطلع منتصرة في حرب الرسوم الجمركية اللي ترامب أشعلها تاني؟
الصين مش مجرد دولة بتصنّع كل حاجة من الموبايل اللي في إيدك للكرسي اللي قاعد عليه .. دي قوة اقتصادية عملاقة .. الناتج القومي بتاعها 19 تريليون دولار .. يعني لو عايزين نكون صرحاء .. الفجوة بينها وبين أمريكا مش كبيرة زي زمان .. الصين عندها خطط طويلة الأمد .. زي مبادرة "الحزام والطريق" اللي بتوصل بضايعها لكل حتة في العالم .. من إفريقيا لأوروبا .. ومن آسيا لأمريكا اللاتينية .. دي مش مجرد طرق وبنية تحتية .. دي شبكة تجارة عالمية بتخلّي الصين مركز الكوكب الاقتصادي.
بس إيه اللي يمنعها انها تقود العالم ؟
أول حاجة هي الاعتماد الكبير على السوق الأمريكي .. الصين بتصدّر لأمريكا بضايع بقيمة أكتر من 400 مليار دولار كل سنة .. لو أمريكا قفلت الباب زي ما ترامب بيهدد .. المصانع الصينية هتواجه أزمة .. تاني حاجة هي التكنولوجيا .. الصين قوية في التصنيع .. بس لسه بتعتمد على الرقائق الإلكترونية الأمريكية في الصناعات المتقدمة .. لو أمريكا شدّت الحصار التكنولوجي .. الصين هتحتاج وقت عشان تلحق الركب.
طب الصين بتعمل ايه عشان تنهي هسمنة الدولار؟
الدولار هو ملك العملات .. كل التجارة العالمية تقريباً بتتم بيه .. بس الصين مش ساكتة .. بقالها سنين بتحرّك في الخفاء عشان تضرب هيمنة الدولار .. إزاي؟ .. أولاً .. هي بتشجّع التجارة باليوان .. يعني بدل ما تدفع بالدولار .. ادفع بعملتي .. وده حصل فعلاً مع روسيا والسعودية ودول تانية .. تاني حاجة .. الصين بتبني نظام مالي موازي .. زي بنك الاستثمار الآسيوي اللي بيمنح قروض بمليارات من غير ما يمر بالدولار .. وتالت حاجة .. بتقلل اعتمادها على الدولار في احتياطياتها .. يعني بدل ما تشتري سندات أمريكية .. بتشتري ذهب .. وده اللي خلّى أسعار الذهب ترتفع بشكل قياسي في 2025.
بس التحدي الأكبر .. الدولار مش بس عملة .. ده رمز قوة .. أمريكا لسه عندها أكبر سوق مالي في العالم .. والبنوك الأمريكية بتتحكم في حركة الفلوس عالمياً .. عشان الصين تنهي هيمنة الدولار .. لازم دول كتير توافق إنها تتخلى عنه .. وده مش هيحصل بسهولة .. ليه؟ .. لأن أي دولة تخاف إنها لو خدت الخطوة دي .. أمريكا ممكن تضربها بعقوبات اقتصادية.
طب فى حرب الرسوم الجمركية الصين هتصمد ولا هتخسر؟
دونالد ترامب رجع في 2025 بقوة .. وأول قراراته كان زيادة الرسوم الجمركية على الصين لـ125% .. وبعض القطاعات وصلت لـ245%! .. ده معناه إن أي منتج صيني هيدخل أمريكا هيبقى غالي جدًا .. والمستهلك الأمريكي هو اللي هيدفع الفرق. .. الصين ردت برد قوي .. فرضت رسوم 125% على المنتجات الأمريكية .. يعني الحرب التجارية دي مش هتبقى نزهة.
طب الصين عندها أوراق قوية ؟
طبعا .. هي أكبر مصدّر في العالم .. لو أمريكا قفلت السوق .. الصين ممكن تلاقي أسواق بديلة في آسيا وإفريقيا .. فعلاً في تحركات صينية لإنشاء تحالف اقتصادي جديد في جنوب شرق آسيا. .. تانياً .. الصين عندها احتياطي نقدي ضخم .. 47 تريليون دولار .. ده يخلّيها تقدر تمتص الصدمات الاقتصادية أكتر من أي دولة تانية. .. تالتاً .. الصين بتستثمر في التصنيع المتقدم .. زي الألواح الشمسية والذكاء الاصطناعي .. يعني هي مش هتفضل "مصنع العالم" بس .. هتبقى مركز تكنولوجيا
بس في المقابل .. أمريكا مش هتسكت .. ترامب بيهدف إن الصين تخسر السوق الأمريكي .. وده هيأثر على ملايين العمال الصينيين .. زيادة الرسوم الجمركية ممكن تدفع أسعار السلع لفوق .. وده هيضرب المستهلك الأمريكي والصيني مع بعض .. يعني الخسارة هتبقى على الطرفين .. بس مين هيصمد أكتر؟ .. الصين لو نجحت في إنها توجّه صادراتها لدول تانية .. ولو استمرت في تقليل اعتمادها على الدولار .. ممكن تطلع من الحرب دي منتصرة .. لكن لو أمريكا شدّت الحبل أكتر .. الصين هتحتاج وقت طويل عشان ترجّع توازنها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
){kind=link}