كشف مطرب المهرجانات حمو بيكا عن تعرضه للسرقة ، من أحد العاملين معه الذي وصفه بإنه كان مقرب منه بشكل كبير.
وقال حمو بيكا،" توضيح هام !. اللي في الصوره ده اسمه خالد سعيد شغال معايا مساعد بقالو 6 سنين وكان دراعي اليمين في كل حاجه ويدخل بيتي وسط اهلي ومراتي وعيالي ومفاتيح عربياتي وبيوتي بيبقو معاه ومكنتش بامن لحد يشيل اي حاجه ليا غيرو
فجاة ظهرت الخيانه عمل نسخ علي مفاتيح بيتي وطلع وجاب شخص تاني الي في صوره تانيه ده اسمو حسن فني تكيفات وصحبو ومن عندو من المنطقة ".
وتابع ،" طلع سرق تكفيات وتلاجه وميكروويف وبلاي ستيشن وحجات كتير من شقتي وانا مش موجود طب ليهه !! مع اني ولا عمري اقصرت معاه ولا في شغل ولا في بيتو ولا مع اهلو وكان بيلبس من لبسي وينام في بيتي وياكل في بيت .. خان عشره سنين وخان كل حاجه وفجاة بدون سبب ساب شغلي ومشي و مدير اعمالي كلمو انو يرجع شغل مكنش بيرد علي تلفون نهائي".
واستطرد،" طلعت لقيت شقتي مفتوحه بعد فتره لما مشي من شغل مجاش في بالي لحظه ان هو الي يعمل كده طبعا انا مصدوم من الي حصل
وقال حمو بيكا،"توجهت الي قسم شرطه العجوزه ووحده المباحث مشكوره نزلت فحصت موضوع سرقه خالد وجالي مسروقات بتاعتي الي في صور ولسه في حجات تانيه انا اتنزلت عن محضر ومرتدش اسجنه علشان خاطر والدته واهله وياريت ياجماعه محدش يأمن لي اي حد يشتغل معاه لازم يكون واثق في معدنه واصله".
وقال ،" خالد ده مش شغال معايا ده شخص حرامي وخاين وناس تخلي بالها منه ولا تشغله في حتة وحسن فني تكيفات ده ياريت محدش يدخل معاه في شغل حسن ده معروف عنه انه حرامي ونصاب وحسبي الله ونعمة الوكيل".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
