الفضة واحدة من أهم الأوعية الادخارية في الوقت الحالي واللي عليها اقبال كبير من الناس لشرائها.. ياتري اية الأهمية اللي موجودة في الفضة علشان يكون وعاء ادخاري مهم.. وآية مخاطر الاستثمار فيها.
في الفترة الحالية وبسبب الظروف الاقتصادية الصعبة اللي كل الناس بقت عايشة فيها، بقت اغلب الناس بتدور علي اي وسيلة أو اي حاجة تكون مصدر دخل اضافي جنب شغلهم وده بسبب الظروف الاقتصادية الصعبة اللي كل الناس بتمر بيها، والظروف دي خلت حاجات كتيرة كانت بعيدة جدا عن مجالات وطرق الاستثمار أصبحت دلوقتي من أكثر الحاجات اللي بتحظي بإقبال كبير من الناس للاستثمار فيها.
طبعا كلنا عارفين ان الذهب في الوقت الحالي من أكثر الأوعية الادخارية اللي عليها طلب كبير جدا من الناس ولكن بسبب ارتفاع أسعار الغير طبيعي خصوصا في الفترة الأخيرة واللي وصل سعره في الأسواق لأكثر من 4600 جنيها لعيار 21 واللي هو الأكثر مبيعا وانتشارا في الأسواق خصوصا في القري والمحافظات، وبالتالي الناس بدأت تدور علي حاجة سعرها اقل شوية من الذهب وكانت الاختيار علي الفضة واللي بقي عليها اقبال كبير جدا من الناس لشرائها والاحتفاظ بيها كوعاء ادخاري مهم في الوقت الحالي .
طيب اية اسباب اهتمام الناس بالاستثمار في الفضة، وهل الفضة تعد كقطاع واعد للاستثمار فيه ؟
الفضة حاليا واحدة من الحاجات اللي بتدخل في صناعات كتيرة جدا في الوقت الحالي ده غير أن أصبحت بتتحول لمشغولات زيها زي الذهب بالضبط، ودلوقتي بقت كل يوم في سعر جديد زيها زي الذهب بالضبط، وبقي عليها طلب كبير جدا من الناس اللي بتدور علي حاجة ينفع الإستثمار فيها خصوصا أن مش بتتعرض لخسائر ده غير أن الطلب عليها بيزيد كل يوم عن التاني بسبب انها بقت بتدخل في عدد كبير من الصناعات الالكترونية والكهربائية وغيرها من مختلف الصناعات المنتشرة في الأسواق ده غير أن أنها بتكون آمنة للحفظ في حالة تخزينها ومش معرضة للتلف، ويقدر الإنسان بكل سهولة يحافظ عليها من السرقة والتلف ومش بتحتاج فلوس كتيرة للاستثمار فيها زي الذهب، وده بسبب ان سعرها اقل بكتير من أسعار الذهب .
علي قد الأهمية الكبيرة اللي وصلت لها الاستثمار في الفضة كوعاء ادخاري مهم إلا أنها برضوا في مخاوف كبير عن الناس من الإستثمار فيها خصوصا انها بتتعرض وبشكل كبير لتقلبات في الأسعار نتيجة الأحداث والتوترات العالمية واللي حاليا بقت منتشرة ومتنوعة علي مستوي العالم كله، وعلشان كده شعبة الذهب حذرت الناس اللي عايزة تستثمر فلوسها في الفضة وقالت إنها وعاء ادخاري مهم ولكنه عالي المخاطر بسبب انها شديدة التذبذب، وممكن تتعرض لخسائر كبيرة وقت نزول الأسعار، والاستثمار في الفضة بيتطلب متابعة دقيقة للأسعار ومهارة في التعامل، وده طبعا مش متوفر عند غالبية الناس عندها في السوق المصري .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
