"مش هاسمحهم".. "رحمة حسن" ترفض اعتذار العيادة المتسببة في سقوط شعرها

رحمة حسن.. أثارت الفنانة رحمة حسن الجدل خلال الأيام الماضية، وذلك بعد أن أعلنت إصابتها بالصلع بسبب خطأ من عيادة ما أدى إلى تساقط شعرها بشكل كبير.

رحمة حسن ترفض اعتذار العيادة المتسببة في سقوط شعرها

وتواصلت العيادة المتسببة في أزمتها الأخيرة مع رحمة حسن، وحاولت الاعتذار لها ولكن رفضت رحمة حسن هذا الاعتذار، ووصفت ما حدث بانعدام الضمير المهني.

وأصدرت رحمة حسن بيان من خلال حسابها الرسمي عبر موقع تبادل الصور والفيديوهات القصيرة "إنستجرام"، وكتبت:"أنا رديت عادي لأنى شخص كويس ومحترم، هما قالولي آسفين وطلبوا أروح العيادة، لكن دا مجرد كلام علشان مشتكيش".

أضافت: "قالولي ليه مقولتيش قبل، قلت إن بعت بعدها بأقل من شهر، وقلتم هتكلمونى، لكن محدش كلمنى، والدكتورة عملتلي نفس الحاجة تاني".

تابعت: "مش هسامحهم أبدًا ولا هسامح الدكتورة، ولا هقبل الاعتذار.. لأن اعتذارهم مش هيرجع شعري تاني في يوم وليلة".

الفنانة رحمة حسن تعلن إصابتها بالصلع

أعلنت الفنانة رحمة حسن إصابتها بالصلع، وذلك بعد ذهابها لإحدى العيادات والتي قامت بحقنها بمادة المينوكسيديل بجانب البلازمة، الأمر الذي أدي لـ تدهور حالة شعرها وسقوطه يومًا بعد يوم.

ونشرت رحمة حسن صورة لـ شعرها، من خلال حسابها الرسمي عبر موقع تبادل الصور والفيديوهات القصيرة "إنستجرام"، وكتبت:"شعري ابتدا يقع من الجذور و يقع اكتر بعد ما رحت عيادة زو Zo في الزمالك و المفروض انه افضل حاجة موجودة .. كشفت و عملت التحليل المطلوبة كلها .كان شعري عادي خفيف تعبان لكن مش بيقع بيقع كام شعرة عادي ! بعد ما روحت و عملت التحليل الدكتورة قالتلي كلها تمام ممكن بس الحديد نازل شويا ! ممكن ناخد حديد … و هنعمل بلازم من دمك يعني حاجة كويسة و امان ميه في المية! اوكي . طبعا".

أضافت: "المهم روحت و سالتني الدكتورة قبل البلازمة بعد سحب الدم ! أخبار الظغط بتاعك ايه ! قولت مش عارفة ! قالتلي طيب المهم عملت اللازمة و و ميزوثاربي!!!! مش بلازمة بس ! الكارثة انه حططلي حقنة مينوكسيديل مع الحقنة و عملتها بالميزوثاربي! و طبعا انا معرفتش غير لما روحت البيت لان كان ضربات قلبي غريبة و حسا اني تعبانة و دماغي ثقيلة … بشوف الفاتورة لقيته انها حططلي مينوكسيديل بدون ما ترجعلي الاول و انا كنت بس مفروض اعمل بلازمة فقط من دمي بس".

تابعت: "من ساعتها شعري بيقع كل يوم و مافيش بيبي هير بيطلع اصلا و لو طلع بيقع تاني علي طول …. لو اعرف من الاول مكنتش روحت ابدا ..لانهم حطولي حاجة اول مرة استعملها بدون مايرجعولي الاول .. و في حاجة مهمة زي دي كان عندي ثقة قبل ما اروح لكن طبعا بعد اللي حصل مروحتش تاني ابدا و شعري فضل يقع من ساعتها … اكتر و اكتر و كل الناس عارفة انك لو استعملت المينوكسيديل مينفعش يتوقف … و هما عملو الكارثة دي بدون ما يقولولي الاول حتي … و من ساعتها و انا شعري و نفسيتي في الارض".