مصطفى بكري: ألاعيب الإخوان وإسرائيل ضد مصر تتحطم على صخرة الجيش المصري

كشف الإعلامي مصطفى بكري، تفاصيل المؤامرة التي تحاك ضد مصر بمشاركة جماعة الإخوان الإرهابية.

ورصد مصطفى بكري خلال برنامج «حقائق وأسرار» على قناة صدى البلد، تصاعد الحرب العدائية ضد مصر، منذ حوالي أسبوعين قائلا «تحدثت معكم عن مؤامرة تحاك ضد مصر والقيادة السياسية، هذا الكلام كان بناء على معلومات، أذرع الجماعة الإرهابية وزعموا أننا نفتعل مؤامرات لصالح الرئيس السيسي، لكن مرت أيام قليلة وبدأت ملامح المؤامرة تتكشف، شاهدنا الحملات الممنهجة والأدوات التي تحركها خيوط من خلف ستار»، مردفا «ده يخلينا دايما مصحصين، إحنا مش بنخاف من حاجة، جيش ودولة قوية، مش بنخاف من حد».

وواصل بكري «طبعاً شاهدنا ألاعيب جماعة الاخوان في الخارج و الداخل، بدأت بواحد من العناصر يتسلل زي اللصوص وحط قفل على السفارة المصرية في هولندا وبعدها بدأت الكرة تتدحرج وبدأنا نرى نفس الأشكال اللي كانت في رابعة واللي هربت للخارج بالتعاون مع عناصر التنظيم الدولي وأصحابهم ويلعبوا نفس اللعبة مع عدد من سفاراتنا في الخارج ويقولوا كلام خارج عن الأداب والدين، والغريب أنهم في نهاية هتافاتهم كانوا بيقولوا النظام المصري اللي دبحنا في رابعة وغيره من الكلام الكاذب، طيب يابني انت كده بتقول للناس إنك إخوان.. وهي دي الحقيقة».

وأضاف بكري « كل هذا الكلام لايهم، هؤلاء عشرات من فاقدي الأهلية، مرتزقة للحركة الصهيونية يعني مجرد عملاء، لا علاقة لهم بأوطان ولا أخلاق ولاقيم، شوية خونة حكموا على نفسهم من زمان وارتضوا يكونوا مجرد أدوات تحركهم أجهزة الاستخبارات الخارجية في أي وقت، ولأي قضية، وأظن تاريخهم لا يخفى على أحد».

وأردف «فاكرين لما كانوا يرفعوا شعار على القدس رايحين شهداء بالملاين، يا أخي حكموا في مصر لمدة عام ولا شوفنا ملايين ولا شوفنا شهداء ولا شوفنا حد فيهم مد إيده للقدس وأهلها».. .

وتابع بكري «بالعكس أنا عاوز أذكركم لما أوباما أخذ قرار في نوفمبر 2012 باعتبار القدس عاصمة موحدة لإسرائيل مفيش اخواني صريخ ابن يومين لا رجل ولا امرأة طلع بيان وقال عيب يا اوباما - دي القدس فيها المسجد الأقصى، واحنا رايحين شهداء بالملايين.. كله خرس، صمت مطبق، ومحمد مرسي اللي كان رئيس جمهورية في هذا الوقت مقدرش ينطق ولا يكلمه كلمة واحدة، والصمت معناه الموافقة».