في صدمة مش حلوة هتظهر خلال الأيام اللي جاية للمواطنين بخصوص أسعار شرائح الكهرباء واللي هتزيد بأرقام كبيرة جدا.. ياتري أمتي الحكومة هتعتمد الزيادات الجديدة في أسعار شرائح الكهرباء.. واسعار الشرائح الجديدة هتوصل لكام.
من بداية 2016 والحكومة بدأت تنفذ خطة لرفع الدعم التدريجي عن أسعار شرائح الكهرباء خصوصا أن ده بند مهم جدا من البنود اللي اتفقت عليها الحكومة مع صندوق النقد الدولي لرفع الدعم عن السلع والخدمات اللي بتقدمها للمواطنين، وبرنامج رفع أسعار شرائح الكهرباء وتحرير سوق الطاقة في مصر كان المفروض ينتهي في غضون 5 سنين ولكن بسبب التوترات والتحولات الجيوسياسية والاقتصادية الأزمات العالمية اللي ضربت العالم زي انتشار جائحة فيروس كورونا وغيرها من الازمات كانت السبب الأساسي في تأجيل خطة مصر للتحرير الكامل لأسعار الطاقة.
خلال السنين اللي فاتت الحكومة اعتمدت الي الرفع التدريجي لأسعار شرائح الكهرباء في مصر، وكل سنة كان بيحصل زيادة جديدة في أسعار شرائح الكهرباء، وخلاص خطة التسعير الحالية لأسعار شرائح الاستهلاك المنزلي اللي شغالين بيها من أغسطس 2024 انتهت مع بداية شهر يوليو الحالي، وبالتالي الحكومة حاليا بصدد اعتماد زيادات جديدة في الأسعار بداية الشهر الحالي .
طيب اية اللي بيحصل في الكواليس بخصوص الزيادات الجديدة في أسعار شرائح الكهرباء ؟.
جهاز تنظيم مرفق الكهرباء وحماية المستهلك في الفترة اللي فاتت انتهي من رفع الخطة الجديدة لتسعير شرائح الكهرباء ورفعها الي وزارة الكهرباء والطاقة المتجددة واللي هتبص عليها وهتعيد رفعها الي مجلس الوزراء باعتباره الجهة النهائية في إقرار اي زيادات جديدة في أسعار الخدمات اللي بتقدمها للمواطنين.
الخطة الجديدة لتسعير شرائح الكهرباء بتتضمن إقرار زيادات جديدة في أسعار الشرائح من 15 الي 30% علي شرائح الاستهلاك من الشريحة الاولي ولحد الشريحة السادسة من الاستهلاك المنزلي، اما بقي الشريحة السابعة ودي معفيه تماما من أي دعم في الأسعار بيتم بيعها للمستهلك بسعر الإنتاج وده سعرها حاليا بيوصل ل 223 قرش فالزيادة فيها هتوصل ل 45% .
لازم تكون عارفين ان الشريحة السابعة للاستهلاك المنزلي للكهرباء دي بتضم عدد كبير من الفئات زي المواطنين اللي كانوا بيستخدموا الكهرباء بنظام الممارسة والناس اللي مركبين عدادات كودية في البيت والمنازل اللي لسه مصدر بها قرارات بالتصالح في مخالفات البناء أو الإزالة وكمان الناس اللي تم ضبطها موصلين وصلات غير شرعية لسرقة الكهرباء .
السيناريوهات الجديدة لزيادة أسعار شرائح الكهرباء بتتضمن طريقين أولهم اعتماد الزيادات الجديدة في شهر سبتمبر اللي جاي ويكون بنسبة كبيرة أشهر الصيف انتهت والاحمال الكهربائية بدأت تخفض علي الشبكة الموحدة للكهرباء وفي الحالة دي هيتم تطبيق وتحصيل الزيادات الجديدة باثر رجعي من بداية شهر يوليو، وفي سيناريو تاني بتأجيل إقرار الزيادات الجديدة لبعد الانتخابات البرلمانية، وحتي الآن مجلس الوزراء مستقرش علي اعتماد اي سيناريو من سيناريوهات زيادة أسعار شرائح الكهرباء في مصر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
