أثار النجم تامر حسني حالة من الجدل على مواقع التواصل الاجتماعي، بعد أن نشر رسالة غامضة عبر حسابه الرسمي على منصة إنستجرام، وجّه فيها انتقادات مبطنة لأحد الفنانين الكبار، متهمًا إياه بمحاولة التقليل من نجاح ألبومه الجديد "لينا معاد"، الذي تصدّر تريند يوتيوب منذ طرحه.
وقال تامر حسني في رسالته:"مش غريبة شوية لما الفنان الكبير اللي بحبه وبقدّره، ينزل صورتي على ستوري حسابه بأكتر من طريقة توضح إني رقم 4!!؟ رغم إن الحقيقة إن ألبومي مش رقم 4، وده واضح من تريند يوتيوب اللي ألبومي كله احتله، وكنت رقم 1 من أول يوم في الأسبوع الأول لطرحه."
تامر حسني يوضح موقفه ويوجه رسالة للفنان المقصود
وأضاف حسني:"ناس كتير جمعتلي كل النتائج اللي بتأكد تصدري، لكني مكنتش مهتم أنزلها. الفكرة مش في الترتيب اللي بيتغير كل شوية، لكن في المجهود اللي بذلته في ألبوم (لينا معاد)، واللي الجمهور بيشيد بيه. أنا عمري ما استخدمت نجاحي في التقليل من أي فنان تاني، حتى لما كنت رقم 1 وأغاني الفنان التاني كانت تحتي، احترمت مكانته ومحبيه ومذكرتش اسمه أو صورته."
وختم قائلاً:"أنا احتفلت مع جمهوري من غير ما ألمّح أو أقلل من أي حد. بس مش قادر أفهم ليه الفنان ده عمل كده؟! لأنه كبير ومش محتاج يعمل كده. على العموم، ألف مبروك ليه."
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
