راغب علامة: عايز أحمد فتوح يجي معايا نقابة الموسيقيين

أكد الفنان راغب علامة أنه يعتبر نقابة المهن الموسيقية في مصر بمثابة منزله، مشيرا إلى أنه لم يخطئ في أزمة حفل الساحل الأخيرة.

وقال علامة خلال مداخلة مع برنامج "تفاصيل" المذاع على قناة "صدى البلد": "الاختلاف في الرأي لا يفسد للود قضية احنا بنحترم جمهورنا وبنحترم مسرحنا وبنعتبر إنه العلاقة الطيبة مع الجمهور دي حاجة بترفع الفنان وبترفع البلد اللي هو فيها".

وأضاف: "طبعًا نقابة دي بيتي، لكن أنا هقول له زي ما هو، هو المفروض يحميني أنا كفنان، النقابة هي مع الفنان مش ضده، اسمها نقابة يعني المفروض إحنا نكون بخط واحد طبعًا، مش إنهم عاملين القرار إنهم هنمنعك، حنحقق معاك إنك إنت واقف على المسرح وفنانة سلمت عليك وباستك طب أعمل إيه يعني؟ هقول له أعمل إيه يعني؟".

وعن الكوميكس التي استهدفت أحمد فتوح لاعب الزمالك بعد رحيله عن معسكر الفريق وحضوره حفل الساحل قال علامة: "أنا الراجل ده بحبه جدًا وأنا عايز أقابله، يا ريت ييجي معايا على النقابة، أنا بدعيه وأنا جاي على النقابة يكون معايا آه والله العظيم عايز فتوح يروح معايا".

واختتم: "أنا بالنسبة لي انتهى، بالنسبة لي انتهى، إن شاء الله انتهى، رغم إني زعلان، رغم إني زعلان".