مصر دخلت مرحلة جديدة من التعاون مع كل دول العالم، والمرة دي في مشروع قطري هيوفر لمصر ارقام كبيرة من الدولارات اللي كانت بتتصرف في مجالات الملاحة البحرية.. ياتري اية المشروع ده واية فايدته للاقتصاد المصري.
في توجيهات عليا صدرت للجهات والوزارات المسئولة في الدولة لزيادة حصيلة الدخل الدولاري من كل القطاعات، وتخفيض المصروفات وترشيد الانفاق الدولاري، وده اللي بدأت وزارة الطيران المدني تنفيذه واللي بيعد واحد من القطاعات اللي اغلب مصروفاته بالدولار، وبالتالي الوزارة عليها كبير جدا في ترشيد الانفاق الحكومي من الدولار.
في الفترة اللي فاتت كان في لقاء مهم جدا جمع الدكتور سامح الحفني وزير الطيران المدني مع السفير طارق علي فرج الأنصاري سفير دولة قطر الشقيقة ومحمد بن فالح الهاجري، رئيس الهيئة العامة للطيران المدني بدولة قطر، واللي فيه تم مناقشة إطلاق مشروع تعاون فني مشترك بين مصر وقطر، بهدف تقصير مسارات الطرق الجوية في المجال الجوي المصري.
المشروع المصري القطري بيهدف لرفع كفاءة التشغيل وتوفير استهلاك الوقود وتقليل الإنبعاثات الكربونية، وده في أطار التزام الدولة المصرية بتعليمات المنظمة الدولية للطيران المدني ودعم أهداف التنمية المستدامة والمصالح المشتركة للبلدين.
طيب اية الفايدة اللي هترجع علي مصر من المشروع ده؟.
أجهزة الملاحة الجوية واحدة من الحاجات المهمة جدا واللي مصر بذلت جهود كبيرة جدا علشان تطورها خلال السنين اللي فاتت، وكانت نتيجة التطوير ده هو استيعاب المجال الجوي المصري لعدد كبير من رحلات الطيران الدولية والمحلية وقت الأزمات الجيوسياسية اللي حصلت في منطقة الشرق الأوسط، واللي كانت وقتها كل رحلات الطيران بتسلك المجال الجوي المصري بسبب أمانه وبعده عن الأحداث الاقليمية ده غير توافر عناصر الأمن والأمان بسبب وجود تغطية رادرية علي كل شبر من انحاء القطر المصري، وده دخل لمصر ارقام كبيرة من رسوم العبور والمرور فوق الأجواء المصرية.
التوقيع الجديد اللي حصل بين سلطة الطيران المدني في مصر وقطر بيعد نقطة من النقاط المهمة اللي شغالة عليها الحكومة ممثلة في وزارة الطيران المدني لتحويل مصر لمركز إقليمي لحركة الطيران .
مبادرة تقصير المسارات الجوية اللي مصر هتشيده مع دولة قطر مش هيقتصر علي الجوانب التشغيلية، وكلنه هيستهدف زيادة الروابط الموجودة بين البلدين وزيادة الحركة الجوية والتجارية والسياحية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
