يا ترى أسعار الدهب رايحة على فين، هل تبيع دلوقتي ولا تستنى شوية، وهل فعلا الدهب خلاص وصل القمة، ولا لسه في مشوار تاني لفوق؟
الأسبوع اللي فات، أسعار الدهب في مصر نزلت بسيط كده، يعني حوالي 10 جنيه للجرام من عيار 21، واللي
نزل من 4660 ل 4650 جنيه، وده رغم إن العالم كله كان بيغلي من التوترات السياسية والتصريحات الغريبة اللي طالعة من أمريكا.
كمان، الجرام عيار 24 سجل 5314 جنيه، وعيار 18 حوالي 3986 جنيه، أما الجنيه الدهب فلامس 37200 جنيه.. طب إيه اللي بيحصل عالميا؟
في الحقيقية، الأونصة نزلت شوية بردو، من 3355 ل3350 دولار، بس لو رجعنا ورا شوية هنلاقي إنها وصلت 3500 دولار في شهر أبريل، وده أعلى سعر في التاريخ، يعني رغم النزول البسيط ده، الدهب لسه محقق مكاسب قوية من أول السنة.
طيب ليه التذبذب ده دلوقتي؟
بص يا سيدي، كل ده راجع للي بيحصل في أمريكا، زي مثلا أخبار عن إن ترامب ناوي يغير رئيس الفيدرالي "جيروم باول" عملت قلق في السوق، وبعدين طلع نفي رسمي بس بردز السوق اتوتر.
كمان، تصريحات "كريس والر"، عضو الفيدرالي، اابي بيقول إنه مع تخفيض الفايدة بس التضخم مش واضح، وهو ده اللي بيخلي السوق مش عارف يتحرك فين بالظبط، وفوق كل ده، الدولار كمان بيتحرك، نزل شوية لكن طلع تاني، واللي نعرفه إن كل ما الدولار يقوى، الدهب بيضعف والعكس صحيح.
طيب الناس تسأل: أبيع ولا أشتري دلوقتي؟
بص يا سيدي، الوضع دلوقتي فيه 3 سيناريوهات، اول واحد ان لو الفيدرالي الأمريكي قرر يخفض الفايدة قريب، فالدهب هيعلى، لأن ده بيدي فرصة للمستثمرين يهربوا من الدولار ويشتروا دهب.
أما بقر لو الفايدة فضلت ثابتة شوية كمان، فالسوق هيكمل تذبذب يعني طلوع ونزول على خفيف، وده بيبقى وقت كويس للي عايز يضارب، وفي حالة لو ترامب لعبها وقلب في الفيدرالي، فوقتها السوق كله هيرتج وساعتها هنشوف الناس بتجري على الدهب كملاذ آمن.
أما هنا في مصر، فالوضع مرتبط بحركتين وهي سعر الدولار مقابل الجنيه وسعر الأونصة عالميا، وطالما الاتنين ثابتين فالسوق المصري هيستقر، لكن لو حصلت مفاجأة في واحدة منهم فالأسعار هتتحرك جامد.
والخلاصة هي، انك لو ناوي تشتري دهب للادخار طويل المدى، ممكن تشتري جزء دلوقتي وتستنى الباقي، أما بقى لو ناوي تبيع، فتابع حركة الدولار والفيدرالي الأمريكي قبل ما تاخد قرار، لأن السوق في مرحلة ترقب ولسه مفيش اتجاه واضح، فخلي قراراتك محسوبة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
