"كفاية اهانة".. ريهام سعيد تدافع عن مها الصغير بعد ازمتها الأخيرة

دافعت الفنانة والإعلامية ريهام سعيد عن الإعلامية مها الصغير بعد أزمتها الأخيرة مع الفنانين الأجانب، بعد سرق لوحتهم ونسبهم لنفسها، وطلبت ريهام سعيد من الجمهور التوقف عن مهاجمتها.

ريهام سعيد تدافع عن مها الصغير بعد ازمتها الأخيرة

وكتبت ريهام سعيد من خلال حسابها الرسمي عبر موقع التواصل الاجتماعي "فيسبوك"، قالت: "غلطت و اعتذرت، حد سال عملت كده ليه ؟؟؟ من غير تفاصيل مهي عدت بأوقات كتير قاسيه جدا  و استحملت كتير و أنا عارفه ده لأني كنت صديقه والدها جدا الله يرحمه ".

أضافت: "آكيد بعد الي مرت بيه و بعد فقدان أبوها وزوجها  و خلافاتها مع اخوها كانت بتدور علي تقدير بتدور علي نجاح بطريقه غلط لما بتحس بعدم الأمان  انت بتبقي مش مستقر نفسيا و بتعمل تصرفات غريبه لإثبات الذات عايز تبقي ناجح و مشهور باي طريقه".

وتابعت: مش ببرر بس كلنا بنغلط كفايه، كفايه اهانه، هي  لو جبل كان اتهد.. انا مريت بهجوم كده قبل كده ولكن كان علي باطل بس برضوا مجرح اوي.. مهي غلطت و انتوا كمان بتغلطوا هي غلط و غلط جدا الي عملته بس أنا متأكده ان ده نتيجه ضغوط نفسيه بتمر بيها .. أرجو التوقف عن الهجوم أنا خايفه عليها مش هاتستحمل كل ده ".

اعتذار مها الصغير

وفي وقت سابق، قدمت الإعلامية مها الصغير اعتذاراً رسمياً للفنانة الدنماركية "ليزا لاش نيلسون"، بعد نسب لوحتها الفنية لها أثناء حلولها ضيفة في برنامج معكم منى الشاذلي.

وكتبت مها الصغير من خلال حسابها الرسمي عبر موقع التواصل الاجتماعي "فيسبوك": "أنا غلطت.. غلطت في حق الفنانة الدانمركية ليزا، وفي حق كل الفنانين وفي حق المنبر اللي اتكلمت منه، والأهم غلطت في حق نفسي، مروري بأصعب ظروف في حياتي لا يبرر لي ما حدث.. أنا آسفة وزعلانة من نفسي".