"التطويرات اللي بعملها في عالم تاني".. أسما شريف ...

شاركت أسما شريف منير، جمهورها مجموعة صور جديدة مع زوجها أحمد شامل عبر حسابها الرسمي على موقع التواصل الاجتماعي لتبادل الصور والفيديوهات على إنستجرام.

وكتبت أسماعبر حسابها الرسمي على موقع التواصل الاجتماعي لتبادل الصور والفيديوهات على إنستجرام: " الفترة دي أنا مركزة جدا على شغلي والتطويرات اللي بعملها في عالم تاني، أنا حقيقي مؤمنة إن لما الواحدة بتشتغل من مكان هادي وجواها ثقة، بتعرف تاخد خطوات جريئة وتتعلم من كل تجربة، ربنا يبارك في اللي جاي ان شاء الله".

في سياق أخر، تعرضت أسما شريف منير، لموجة كبيرة من الانتقادات اللاذعه، وجاء ذلك بعد تصريحاتها الأخيرة وعن زواجها من أحمد شامل عزمي.

ونشرت أسما شريف منير عبر حسابها الرسمي على موقع التواصل الاجتماعي لتبادل الصور والفيديوهات الانستجرام: "لكل شخص شتمني تنمر عليا، أو أساء الظن بيا أنا مش بزعل ومش باخدها على قلبي، مش لأني ما بحشش لكن لأني تعلمت إن القلوب اللي فيها نور، بتعفو، وبتعدي لأن ربنا قال “والكاظمين الغيظ والعافين عن الناس والله يحب المحسنين”.

وتابعت: "أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة. ربنا أمرنا نكون أرقى، حتى قدام الظلم “ولا تستوي الحسنة ولا السيئة، ادفع بالتي هي أحسن”.

وأضافت: "اللي بيني وبين ربنا عمره ما كان محتاج شهادة من بشر واللي بيظن السوء، ربنا قال عنه:"يا أيها الذين آمنوا اجتنبوا كثيرًا من الظن إن بعض الظن إثم".

وأكملت:"أنا مسامحة من قلبي، مش ضعف، لكن قوة إني ما أخليش الحقد و الزعل يسكن في قلبي، وسايبة كل حاجة لربنا، لأنه قال: “فمن عفا وأصلح فأجره على الله”.

وأشارت: "أنا عندي رسالة أمل، وبدعي من قلبي إن ربنا يكرم كل ست ويشجعها تتجوز وتبدأ من جديد من غير ما تخاف من المجتمع ولا من نظرات الناس اللي كده كده الناس بتصطاد الأخطاء، ربنا يعفينا منهم ولا من الكلام اللي بيقول : "مريضة"، "مستفزة"، "بجحة"، وكلام كتير مالوش لازمة. كله اتبدل بحسنات، ربنا هو اللي بيختار ويعوض.... مش الناس".