يا ترى إيه اللي بيحصل للدولار في مصر، هل فعلا الجنيه المصري بدأ يستعيد قوته، وهل ممكن الدولار يفضل ينزل، وإيه مصير العملة الخضرا الفترة الجاية؟
في الحقيقة، الدولار بيشهد استقرار مرشح للهبوط الفترة دي في البنوك الكبرى، بس الكلام ده حصل بعد أيام من تراجع تدريجي في السعر، ودي كانت مفاجأة لناس كتير كانت متوقعة العكس.
وسجل الدولار عندنا في مصر 49.31 جنيه، والبنك المركزي أعلن إن السعر الرسمي وصل ل 49.29 للشراء و49.39 للبيع، طل ليه العملة الخضرا بتنزل؟
بص يا سيدي، أول حاجة هي إننا عندنا تحسن في الاحتياطي النقدي اللي في البنك المركزي، يعني فلوس بالدولار والعملات الأجنبية متوفرة، كمان قي زيادة السياحة والاستثمار الأجنبي.
وفوق كل ده في ثبات للسياسات النقدية والموازنة بين العرض والطلب، ده غير إن في أداء قوي للقطاعات التصديرية، يعني الدولة بتحاول تظبط المعادلة من كل الجهات.
طب هل التراجع ده هيكمل ولا ممكن يرجع يطلع تاني؟
بصراحة، في عوامل ممكن تخلي الدولار ينزل أكتر، وفي عوامل ممكن تخليه يطلع وهي حدوث اي توتر عالمي أو أزمة مفاجئة في الأسواق، وكمان زيادة الطلب على الدولار من شركات الاستيراد أو حتى أي تغييرات في سعر الدولار عالميا، بعني الموضوع حساس جدا، وأي خبر ممكن يقلب الموازين.
ومن الحاجات اللي ساعدت في استقرار السوق كمان، إن البنوك وشركات الصرافة بقت متوفرة في أماكن كتير حيوية زي المطارات والمولات والفنادق، وده بيسهل على الناس سواء مواطنين أو سياح يحصلوا على الدولار بالسعر الرسمي من غير ما يضطروا يلجأوا للسوق السودا، واللي بقت تأثيرها أقل مع الوقت.
وفي نقطة لازم نوضحها، وهي إن مش كل انخفاض في سعر الدولار معناه إن الأسعار في السوق هتنزل، لإن في عوامل تانية بتدخل زي تكاليف الشحن العالمية والتضخم وسعر الفايدة، لكن بشكل عام استقرار الدولار بيدي مؤشر إيجابي لرجوع التوازن في السوق، وده بيفيد الاقتصاد بشكل عام.
ولو بتسأل تعمل إيه كمواطن؟
فأنسب حاجة إنك تتابع السعر يوميا من المواقع الرسمية للبنوك، ومتتعاملش مع أي مصادر غير موثوقة، وكمان لو عندك تحويلات أو مدخرات بالدولار، فكر كويس قبل ما تبيع أو تشتري، لإن السوق متقلب، وكل يوم في جديد.
والخلاصة هي إن الدولار دلوقتي مستقر، بس تحت الضغط النزولي، والتوقعات بتقول إن مفيش ارتفاعات كبيرة في المدى القريب، وكل العيون على تطورات السوق العالمي وسياسات الدولة عشان تحدد مصير العملة الخضراء.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
