سوق السيارات في مصر، واحد من الحاجات اللي شهدت زيادات كبيرة في الأسعار ده لاسباب كتيرة جدا.. بس ياتري اية هيا ارخص عربيات زيرو موجودة حاليا في السوق المصري.. واية هيا مواصفاتها.
العربية في الوقت الحالي وبسبب التحديات والتنمية العمرانية الكبيرة اللي قامت بيها الدولة والامتدادات العمرانية الكبيرة جدا واللي معاها العربيات تحولت من رفاهية لواحدة من أساسيات الحياة اليومية واللي من غيرها الحياة بتكون ناقصة حاجة وحاجة مهمة جدا خصوصا أن المواصلات في مصر بقت اسعارها مرتفعة جدا وكمان بهدلة وبتاخذ وقت طويل، وده مش موجود عند اغلبها.
في الفترة اللي فاتت سوق العربيات في مصر شهد زيادات كبيرة جدا في الأسعار سواء في العربيات الزيرو أو المستعمل ده لأكثر من سبب أولهم الاختلافات الكتيرة اللي حصلت في سوق الصرف في مصر، واسباب تانية كتيرة متعلقة بسوق العربيات، ومن غير ما تلف ولا تحتار أحنا دولوقتي هنقولك علي ارخص 3 موديلات حديثة وبسعر حنين ومتاحة في السوق المصرية وده مش كلامنا ده كلام شعبة العربيات في مصر.
أول عربية معانا النهاردة هيا بي واي دي F3 موديل 2025، ودي سعرها بيبدأ من 590 ألف جنيه للفئة المزودة بناقل حركة يدوي، والفئة الأوتوماتيك الثانية الأعلى في التجهيز سعرها بيوصل لـ 670 ألف جنيه، ودي بتكون مزودة بمحرك 4 سلندر سعة 1.500 سي سي، بقوة 108 حصان .
العربية التانية معانا النهاردة هيا أريزو 5 الجديدة، ودي مزودة بثلاث فئات من التجهيزات وسعرها بيبدأ من 655 ألف جنيه، والفئة الثانية منها بيوصل سعرها لـ 700 الف جنيه، والفئة الأعلى في التجهيز سعرها بيبدأ من 725 الف جنيه، ودي بسعة 1.5 لتر وبقوة 114 حصان، وبنواقل الحركة الأول يدوي ده متوفر في الفئة الاولي، والثاني أوتوماتيك من 6 سرعات.
العربية الثالثة معانا النهاردة وهيا نيسان صني موديل 2025 ودي سعرها بيبدأ من 695 ألف جنية للفئة القياسية، والفئة الثانية سعرها بيوصل لـ 726 الف جنية، والفئة الثالثة سعرها بيوصل لـ 747 ألف جنيه، والفئة الرابعة ودي الأعلى سعرها بيوصل لـ 761 ألف جنيه، وده مزودة بمحرك 4 سلندر سعة 1500 سي سي، وناقل حركة أوتوماتيكي من 4 سرعات ويدوي من 5 سرعات، بقوة 108 حصان.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
