أنغام باكية تكشف الحقيقة:"حرام اللي بيتقال عليا.. مش أنا اللي ورا الهجوم على شيرين"

في مداخلة هاتفية مؤثرة مع الإعلامية لميس الحديدي عبر برنامج كلمة أخيرة، خرجت الفنانة أنغام عن صمتها لترد على الاتهامات التي طالتها مؤخراً بشأن الحملة التي تتعرض لها النجمة شيرين عبد الوهاب، خاصة بعد حفل الأخيرة في مهرجان موازين بالمغرب.

وقالت أنغام، وهي تبكي:"حرام وعيب اللي بيتقال عليا.. مينفعش نوصل لمرحلة إننا نحرك الرأي العام ونصور أني شخص شيطاني بيشن هجوم على زميلة فنانة. أنا لا اتهم شيرين إنها قالت كده، لكن في ناس بتنشر الكلام ده وده ظلم كبير."

وأضافت بحزن واضح:"في مواقع بتكتب اسمي وناس بيبعتولي شتايم فظيعة، وكأنني أنا وراء الهجوم اللي حصل لشيرين على المسرح! طب إيه علاقتي أنا؟ ليه بتزرعوا الضغينة بينا؟"

وكشفت أنغام خلال المكالمة أنها حالياً تخضع للعلاج في المستشفى بعد أزمة صحية ألمّت بها خلال الأيام الماضية، ورغم هذه الظروف، تواصل أنغام تألقها فنياً، حيث شهد حفلها الأخير على مسرح النافورة بدار الأوبرا المصرية إقبالاً جماهيرياً ضخماً، ضمن فعاليات مهرجان ليالي مصر، وحقق الحفل نجاحاً كبيراً ورفع شعار "كامل العدد".

وفي تصريحات سابقة، تحدثت أنغام عن سر نجاح حفلاتها قائلة:"النجاح مش بييجي من فراغ، هو مجهود ومتعة وروح حلوة بيني وبين جمهوري. دايماً بحس بالشوق والتوتر قبل كل حفلة، وبدعي ربنا إني أقدم لهم حاجة تليق بيهم. النجاح الحقيقي مش إنك تكرر الأغنية اللي نجحت، لكن إنك تخلق جديدة وتكسر القالب."