مصر حاليا بتجهز لمعجزة بالتعاون مع الصين وهيا صناعة بطاريات تخزين الكهرباء، ياتري اية حكاية البطاريات دي، واية الميزة اللي هتضيفها للصناعة المصرية.. والميزة اللي هترجع علي مصر من تصنيعها.
في 2023 مصر كانت بتعاني من أزمة كبير في توفير التغذية الكهربائية اللازمة للإنارة، والازمة دي استمرت لأكثر من سنة كاملة، الناس عاشت فيها في ظلام كامل، خصوصا أن الكهرباء كانت بتقطع عن احياء ومدن كاملة مرة واحدة مش بتقطع عن شارع أو حارة معينة، وللاسف الأزمة دي كانت عاملة حالة من عدم الرضا عن المواطنين.
وعلشان الأزمة دي متطولش أكثر من كده فالحكومة عملت اكثر من اجتماع علشان تناقش اسباب المشكلة وتعرف الحلول المطروحة لها اية، وفعلا الحكومة حددت المشكلة وحددت الحلول المناسبة لها اية، والمشكلة كانت ناتجة عن توقف عدد من محطات توليد الكهرباء بسبب نقص امدادات السولار والمازوت والغاز الطبيعي، وعلشان الحكومة تحل الأزمة اتجهت لاستيراد الكميات الناقصة من الخارج.
اتاجه الحكومة لاستيراد المواد البترولية لتشغيل محطات توليد الكهرباء حمل علي فاتورة مصر الاستيرادية اعباء جديدة، وخلي الفاتورة ترتفع لارقام كبيرة، وده كان عكس توجيهات الحكومة واللي شغالة بكل قوة دلوقتي علشان تخفض الاستيراد مش نزود ونعمل مصر اعباء اضافية، علشان كده الحكومة بدأت تدور علي حلول خارج الصندوق الحلول دي كانت من الطاقات الجديدة والمتجددة.
طيب ازاي الحكومة اتحركت علشان توقف استيراد المواد البترولية اللازمة لتشغيل محطات توليد الكهرباء؟.
علشان الحكومة تحل أزمة تخفيف الأحمال وتنهي أزمة قطع الكهرباء علي الناس، اتجهت للقطاع الخاص، وسحمت له بالدخول للتشغيل والمشاركة في انتاج الكهرباء باستغلال طاقات الشمس والرياح، وفعلا الحكومة خلال الكام شهر اللي فاتوا نجحت في أدخال ما يقرب من 2000 جيجاوات وات باستثمارات وصلت لـ2.3 مليار دولار، والطاقات دي هتوفر علي مصر ما يقر من نصف مليار دولار سنويا دي غير أنها طاقات متجددة، يعني مش هيكون مرتبطة معاها عوادم واضرار بيئة علي المواطنين.
الطاقات الجديدة اللي الحكومة دخلت بتكون اعلي بكتيرة عن الطاقات المستخدمة في بعض فصول السنة خصوصا فصل الشتاء علشان كده الحكومة اتجهت لنظام اسمه نظام بطاريات التخزين، وده عبارة عن حاجة الدول بتخزن فيها الطاقة لوقت الحاجة لها، وطبعا النوع ده من البطاريات بيكون غالي ومكلف جدا، وعلشان كده الحكومة فكرت في تصنيع النوع ده من الانتاج، وحاليا وزير الكهرباء والطاقة المتجددة محمود عصمت في زيارة مهمة جدا لدولة الصين لبحث انشاء وتشغيل مصنع لانتاج بطاريات تخزين الطاقة مع واحدة من اكبر الشركات الصينية.
المباحثات اللي عملها وزير الكهرباء مع الوفد الصيني تضمنت بناء وتشغيل المصنع، وتم الاتفاق علي الخطوط الرئيسية للمصنع، وفي الفترة اللي جاية وزير الكهرباء هيعرض نتائج المباحثات علي الحكومة لاتخاذ القرار النهائي لتشغيل المصنع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
