الفترة اللي فاتت الحكومة استهدفت دخول القطاع الخاص للاستثمار في قطاع الكهرباء وتوليد التيار من مصادر الطاقة الجديدة والمتجددة.. ياتري اية نتائج دخول الاستثمارات الخاصة للسوق المصري.. واية الفايدة اللي جت علي مصر منها.
مصر في الجمهورية الجديدة عندها تحديات خاصة، والتحديات دي نسبة كبيرة منها كانت في قطاع الكهرباء واللي حصل في تحول جذري والتحول ده استهدف تحويل القطاع من قطاع بيعتمد علي الوقود بشكل كامل واساسي في قطاع بيستهدف تحويل 42% من اجمالي الطاقة المستهلكة لطاقة منتجة من مصادر الطاقة الجديدة والمتجددة في 2030، والحكومة كمان بتستهدف زيادتها الي 65% من اجمالي الطاقة المستهلكة في 2040.
مش كده بس، لا ده الحكومة حطت وتارجت عايزه توصله وهو تحويل مصر لمركز اقليمي لتبادل الطاقة، والهدف ده مش هيحصل الا لو كان عندنا انتاج بيكفي الاستهلاك المحلي وكمان يكون عندنا فائض للتصدير، وفعلا الحكومة اشتغلت وأعلنت عن السماح للقطاع الخاص الدخول لمصر والاستثمار في قطاع الطاقة الجديدة والمتجددة، وحطت شروط للمستثمرين اللي عايزين يدخلوا مصر ويستثمروا فلوسهم في الطاقات الجديدة، والشروط دي بتشمل تقديم تسهيلات كبيرة في الحصول علي الأراضي اللازمة لاقامة المشروعات، وتسهيلات جمركية كبيرة في دخول المعدات والقطع اللي هيتم تركيبها في محطات توليد التيار الكهربائي من محطات الطاقة الشمسية أو محطات توليد الكهرباء من طاقة الرياح، ده أن العقود اللي بتقوعها الدولة بتشمل كمان بند بقيام الحكومة بشراء الطاقة المنتجة وكمان في نسبة كبيرة منها بتكون بالدولار والنسبة التانية بتكون بالجنية المصري.
التسهيلات الكبيرة اللي قدمتها مصر، خلت عدد كبير من الشركات ورؤوس الأموال الأجنبية تدخل للسوق المصري، وتستثمر وتوسع استثماراتها في مجالات توليد الكهرباء من طاقات الشمس والرياح، خصوصا أن مصر عندها مناطق استراتيجية مهمة جدا وجاهزية ومميزة لبناء محطات توليد الكهرباء سواء في أسوان واللي هيا من افضل مناطق العالم لنباء محطات الطاقة الشمسية أو في خليج السويس واللي هيا من افضل المناطق المهمة لتوليد الكهرباء باستخدام طاقة الرياح.
الكام شهر اللي فاتوا سمعنا عن شركات كتيرة فتحت محطات لانتاج الكهرباء من طاقات الشمس والرياح، ووصل أجمالي الطاقات الجديدة اللي الدولة ضافتها من الطاقات دي لـ2000 ميجاوات باستثمارات تعدت 2.3 مليار دولار، والطاقات دي بتوفر للدولة سنويا اكثر من 224 مليون دولار سنويا من مخصصات الدولة لاستيراد الوقود والغاز الطبيعي اللازمين لتشغيل محطات توليد الكهرباء.
مش بس كده لا ده كمان الدولة خلال الشهرين اللي جايين هتفتح عدد كبير من محطات توليد الكهرباء باستخدام الطاقات الجديدة والمتجددة، واللي هتضيف لمصر انتاج جديد من الكهرباء علي الشبكة، وده هيخلي مصر تقرب وتعلن عن هدفها الرئيسي والاساسي بالتوقف عن استيراد الغاز الطبيعي من الخارج واللي بنستخدمه في تشغيل محطات التوليد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
