اشتكت فتاة من سائق بشركة النقل الذكي ديدي ، بعد تعديه عليها وعلى صديقتها لفظيا وتحرشه بصديقتها.
وقالت الفتاة،" خدو بالكو يا جماعه من سواقين ديدي واوبر ياريت يا جماعه حد يساعدنى اجيب حقى ازاى من البنى ادم القذر ده خلو بالكو على عيالكو من سواقين الاوبر وديدي ربنا ينتقم منهم..دلوقتى انا وصحابى كنا مروحين من عند قريبتى فى مدينتى وجالى السواق القذر ده كان مبرشم وطول الطريق مش عارف يسوق وطالع بينا على الرصيف ودماغه كانت بتقع على تارة العربية ده دليل انه مش فى وعيه وكان قافل علينا العربية".
وتابعت،" ودخلنا فى صحرا ده بعد ما طول الطريق شايفين تحرش لفظى منه لحد ما وصلنا عند اول كارته قابلتنا فتحنا الباب ونزلنا عشان حد يلحقنا من الناس لكن للاسف مفيش حد قدر عليه وفتحوله الطريق وخافو منه".
واستكملت،" نزل خد مننا فلوس الرحلة كام وهو موصلناش وشتايم وقلة ادب زى ما شايفين فى الفيديو ده غير انه مد ايده على صاحبتى ولما جيت ارد عليه شتمنى البنى ادم لازم يتعاقب ومش عارفه اوصل لحاجة لانه لغى الرحله اول ما ركبنا البنى ادم ده خطر على اي حد يركب معاه وخطر عموما ربنا ينتقم من الاشكال دي ويخلصنا منهم".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
