دعاء فاروق: مستشفى الناس تعمل بنظام صارم وتضم فرق طبية وتمريض بمستوي عالمي

الإثنين، 23 يونيو 2025 01:50 ص 6/23/2025 1:50:26 AM

> دعاء فاروق: مستوى النظافة في مستشفى الناس مبهر جداً

> الإعلامية الشهيرة: مستشفى الناس تهتم بشدة باستقرار الحالة النفسية للمرضي

> دعاء فاروق تدعو لمساندة مستشفى الناس بالتبرعات

أجرت الإعلامية دعاء فاروق، زيارة لمستشفى الناس الخيري لعلاج أمراض القلب والجهاز الهضمي والسكري بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تضمنت زيارة الإعلامية دعاء فاروق، جولة تفقدت خلالها غرف الأطفال المرضي، وتعرفت على الخدمات الطبية المقدمة لهم، كما التقت عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولتها، تعرفت على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

وأشادت الإعلامية دعاء فاروق، بمستوى النظافة والخدمات الطبية المتكاملة المقدمة في مستشفى الناس، حيث قالت: «النهارده أنا في زيارة غالية جدًا لمستشفى الناس، جيت مرة واحدة قبل كده زرت حد بيعمل عملية، وبعد ما دخلت طلعت بره قلت لزميلتي اللي كانت معايا في العربية، تعالي ادخلي اقعدي هنا.. تعالي شمي الريحة.. ودي كانت أول حاجة استقبلتني.. بعد كده الإدارة في مستشفى الناس قالولي احنا محتاجينك تيجي تلفي في المستشفى، وأنا بقالي ساعتين بلف وعايزه أقولكم إن أنا في حالة انبهار ورضا، وبقول إيه الجمال ده؟».

وقالت: «أنا بحب مصر وبتأثر أوي لما تبقى مصر فيها مكان عظيم كده، بدخل راسي مرفوعة وأنا في أي مكان، فأنا حاسة كده إن أنا راسي مرفوعة وأنا بتمشى في مستشفى الناس، أولاً كل الناس بتتعالج هنا بالمجان، وكل الغرف اللي دخلتها من غرف العمليات، والعناية المركزة، وغرف الأطفال، وغرف الكبار، والأقسام الجديدة اللي انضمت للمستشفى، كلها حاجات مبهرة، وأعلى حاجة عندهم هي الـ هايجين والاهتمام بالنظافة، وكمان عندهم طاقم تمريض عالمي».

وأضافت: «النظافة والهايجين هنا في مستشفى الناس يتعمل عنهم حلقات كتير، أنا دخلت المغسلة والمطبخ، مفيش حد مسئول عن نظافة ملابسه أو أدواته الشخصية، لأن هنا المستشفى مسئولة عن نظافة وتصنيع كل قطعة ملابس بتتلبس داخل المستشفى بما فيها ملابس الأطباء والتمريض والمرضي، ملابس الأطباء والتمريض والعمال بيتم تفصيلها وتنظيفها وكويها هنا في المستشفى، عشان كده أنا انبهرت من طريقة النظافة، ونظافة الأرضيات والمطبخ ليهم نظام عالي الجودة».

وعن فريق التمريض داخل مستشفى الناس، قالت: «أنا انبهرت جدا من منظومة التمريض، لأن في لكل مريض ممرض أو ممرضة لمتابعة حالته، ودي مشوفتهاش في أماكن كتير، أنا شوفت أمام كل غرفة ممرضة مسئولة عن المريض في هذه الغرفة سواء كان طفل أو كبير السن، ويوجد 40 برنامج تدريبي يمر عليهم فريق التمريض للعمل في المستشفى، وشاهدت الدورات التدريبية المقدمة للتمريض، ورأيت أعلى درجات الجاهزية بشكل دقيق جدًا، ربنا يبارك لهم، لأن التمريض هنا مش لازم يكونوا جايين بخبرات كبيرة، ممكن تبقي ممرضة صغيرة في السن، لكن حصلت على 40 برنامج تدريبي، فأصبحت محترفة مثل ممرضة أخري عملت منذ 30 أو 40 عامًا في مستشفيات أخري».

وتابعت: «اللافت للنظر إن هما بيجمعوا بين عمليات القلب للأطفال، وعمليات القلب للكبار، وقادرين يجمعوا الاتنين بحرفية عالية جدًا، ويوجد قسم خاص للأطفال، والعناية المركزة الخاصة بالأطفال هي لوحة فنية في حد ذاتها، والغريب والملفت إن قسم مليان أطفال مسمعتش حد بيعيط، أنا عايزاكو تيجوا تشوفوا على الحقيقة.. يعني أنا داخلة قسم لعلاج أطفال صغيرين من أول حديثي الولادة لغاية 10 سنين و12 سنة، أنا مش سامعة عياط أو حاجة ودي لافتة نظري، لأن في اهتمام شديد بنفسية الأطفال وإنهم يكونوا في حالة مستقرة نفسياً، وده في مكان بعيد تمامًا عن العناية المركزة الخاصة بالكبار، وبعيد برضو عن القسطرة».

واستكملت حديثها: «الحقيقة أنا انبهرت لأن كل حاجة باينه، يعني غرف التحكم في أطباء قادرة تشوف ما يحدث في غرف العمليات، وغرف التحكم مرتبطة بأجهزة أشعة بزجاج مثل غرف العمليات، وكل ده بيتم بطريقة ممنهجة ومنظمة، ومفيش لخبطة، مفيش حد بيجري، مفيش حد زي ما بنشوف في الأفلام الأمريكية بيجيبوهم بيجروا، الدنيا ماشية بنظام صارم جدًا، وأنا ما زلت منبهرة بفكرة الاهتمام بالنظافة لأنها من أعلى المستشفيات اللي دخلتها، وانبهرت من كل نقطة فيها بالنظافة، دي حاجة مهمة أوي لكل شخص».

واستطردت: «أنا بتفرج على مستشفى الناس والإعلانات بتاعتها، وبحب الإعلانات، إنما هي مش مجرد إعلانات وأغاني وحاجات مبهرة، أنا عايزه أدعو الناس العادية مش المشهورة إنها تيجي تشوف بنفسها، وبصراحة وأنا ماشية في الجولة بدور وبقولهم فين التبرعات؟ لأنه في الآخر ده اللي هيقعدلنا الصدقة الجارية، وشوفت كمية ناس وأسماء كبيرة عاملين تبرعات بغرف، وعاملين مكعبات كاتبين عليها «مكعب الصدقة»، فالحقيقة كما يقول الله تعالي: "وفي ذلك فليتنافس المتنافسون".. أنا غيرت، وقولت أنا عايزه من ده.. فربنا يقدرنا، ويقدرني إني أنقل الصورة صح للناس، وربنا ما يكتب على حد أبدًا المرض، لكن لما بتكون مريض وتتعالج بشياكة وكرامة، وتتعالج زي ما تكون بتتعالج في مستشفيات بره في أحدث المستشفيات العالمية، ده بيكون شيء رائع».

واختتمت حديثها: «أنا سعيدة إن مستشفى الناس فيها، قسم قلب أطفال، وقسم قلب كبار، وقسم مناظير وجهاز هضمي، وده الحقيقة متطور جدًا وبيعملوا فيه عمليات دقيقة وصعبة جدًا مش بتتعمل غير بره مصر، لكنهم بيعملوها هنا في مستشفى الناس، ومؤخرًا ضموا قسم للحروق، والمبهر إن قسم الحروق شغال من 4 شهور بس، لكنه قدر يعالج حالات كتير جدًا وعلى أعلى جاهزية لمواجهة الحروق الثقيلة»، مضيفة: «ربنا يشفي الجميع.. سعيدة بوجودي في مستشفى الناس.. وشكرًا ليكوا، واتشرّفت إنهم دعوني للزيارة دي».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً، حيث أجرت 630 عملية جراحية ومناظير جهاز هضمي خلال عام 2023.

ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).