مينا مسعود يكشف أسباب تأجيل الفيلم بعد حضوره العرض الخاص "في عز الضهر" (خاص)

أعرب الفنان العالمي مينا مسعود عن سعادته الكبيرة بطرح فيلمه الجديد “في عز الضهر”، وذلك أثناء حضوره العرض الخاص الذي أقيم مساء أمس في إحدي السينمات في مدينة السادس من أكتوبر، مشيرا إلى أن العمل مر برحلة طويلة من التحضيرات والتأجيلات.

وقال مينا مسعود في تصريح خاص لـ “مصر تايمز”: “ أنا سعيد جدا بأول فيلم ليا في مصر وسعيد إنه أخيرا نازل، وإن شاء الله يعجب الناس، حسيت بأحاسيس كتير بالملل والحزن بسبب تأجيل عرض الفيلم، لكن المجال بيحصل فيه أوقات كده، فلازم نصبر شوية”.

وتحدث عن تأجيل الفيلم قائلا: أنا عملت 4 أفلام، كل مرة كنا لازم نظبط شوية، وكان فيه مشاكل إنتاجية، بس ده كان قبل الأستاذ وليد صبري يخش الفيلم، بعد ما هو دخل وأنقذ الفيلم.

وعن خروج الفنانة هنا الزاهد من العمل، أوضح: هنا كانت مشغولة جدا وعندها حاجات كتيرة جدا، ونجمة كبيرة، فجدول أعمالها ما ظبطش للأسف، هي كانت معانا، ولما أطرينا نأجل، ما كانش ينفع تنضم للأسف.

كما أشار إلى أن تحضيراته للدور تطلبت مجهودا كبيرا، خاصة أنه من محبي الأكشن، قائلا: تحضيراتي للدور خدت مجهود كبير جدا، لأنها من الحاجات اللي بحبها الأكشن.، اتدربنا وعملنا حاجات كتير، وأنا بالنسبة لي أحمد السقا يعني ملك الأكشن، وحبيت أروح أدور على الشخص اللي كان بيشتغل معاه كنزي، والحمد لله جبناه، وهو بقى اللي بيعمل الستانتس في الفيلم ده.