تواصل الفنانة بسمة بوسيل الدعاء لنجلها آدم تامر حسني بالشفاء العاجل، وذلك بعد الوعكة الصحية الشديدة التي تعرض لها منذ أيام نتيجة انفجار الزائدة التي أدت إلى حدوث مضاعفات جسيمة له ودخوله إلى العناية المركزة.
بسمة بوسيل تدعوا لنجلها آدم تامر حسني
ونشرت بسمة بوسيل صورة لها رفقة نجلها آدم في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام من خلال خاصية ستوري وعلقت عليها، قائلة: ربي لقد أصابه من التعب ما يكفيه وأنت أعلم بحاله اللهم أنت الشافي المعافي اللهم انثر العافية في جسده يارب خفف عنه كل ألم يشعر به اللهم اشفه شفاءا لا يغادره سقما.
وكانت قد كشفت بسمة بوسيل مؤخرا تعرض نجلها آدم لوعكة صحية شديدة، حيث قامت بنشر صورة له من داخل المستشفى وعلقت عليها: ارجوكم ادعوا لإبني بالشفاء.
تامر حسني يكشف مرض نجله
وكشف تامر حسني عن مرض نجله، فكتب عبر حسابه الرسمي بموقع فيسبوك: أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا و على تليفوني و تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس وبقولكم كده عشان تبقوا حريصين مع نفسكم أكتر ولولادكم، و مش كل سخونية تقولوا ده شوية برد وخلاص لا روحوا اكشفوا كويس و اعملوا سونار على البطن و الزايدة مرة واتنين عشان برضو ساعات مش بيبان و لازم الدكتور يضغط بطريقة معيّنة، تقريباً أقوى شوية عشان يعرف لإني سمعت كتير اليومين دول إن الزايدة خادعة.
وتابع موجها نصيحة لجمهوره: اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر بس هو راجل و هيتحمل وإن شاء الله.
تامر حسني يشكر داعمي نجله آدم
كما وجه تامر حسني رسالة شكر لداعمي نجله آدم، قائلا: متشكر أوي يا جماعة شكراً لكل اللي اهتم وسأل عن ابني و دعاله هنا أو على التليفون واللي طلعوله صدقات لشفائه من غير ما يعرفونا شخصياً أنا مش لاقي كلام أشكركم بيه و أنا برضو بدعيلكم و بقول لكم مثلها وأضعاف أضعافها وربنا يحفظكم ويحفظ أولادكم قادر يا كريم.
